R&B (已結業)

星期日9點多d晚去到， 無咩人喎竟然！馬上坐低食野啦呢度空間幾大，個feel有d 似xml同applegreen合體左，但係敞大既空間台位唔多，唔會好似其他餐廳密密麻麻，正常傾計唔怕俾人聽到，good餐牌唔係好多野揀，我地揀左elote 同burger。elote係Mexican street corn, 烤好既甜粟米加上配料再烤，非常香！味亦美！用刀切出黎食新奇又好玩。burger不過不失，因為上既時候個包打開左，搞到個芝士唔夠受熱溶唔哂，不過都照樣清哂！薯條好奇異，好幼，口感有d似薯皮，油有點大。餐後待應好有禮貌問要唔要甜品，我地叫左lemon tiramisu, 係用lemon juice點手指餅整既tiramisu，味道清新特別，like!埋單前請左兩舊橙皮糖俾我地食，唉，好地地一餐飯俾呢兩塊野破壞左。