新珊瑚堡餐廳 (已結業)

從樓下往上望這餐廳，相信女仕一定會被它的宮殿式豪裝吸引。我亦不例外。露天茶座頂的擋雨傘印有Cafe Lagoon 起初還以為高級餐廳，到門口才知原來即係珊瑚堡餐廳。記得食評寫得差所以即使有COUPON都一直唔黎。見裡面咁大地方坐滿人而且仲有六七個人等位，唔好食都有個譜呱，試就試喇。餐廳吊有數盞水晶燈配襯牆壁玻璃鏡，還有露天茶座落地玻璃門，環境雅致，若下午茶時段陽光透進來感覺應會更好﹔可惜座位太密，二人餐枱枱面僅是兩個快餐店托盤既面積，早知等多陣坐卡位喇 我揀咗自選配搭 “豬扒龍脷柳配意粉+黑椒汁”，老公揀T骨可惜賣晒，後選”紐西蘭牛柳” & 兩個紅湯。餐廳人手唔多，所以兩杯水都要點完菜仲要嗌先拎黎。 紅湯...唉...冇乜料又淡稀NEWNEW咁，食鐵板餐都係鍾意煙BOOMBOOM好有開喇既感覺。龍脷柳...唉...一吉落去又淋又散，豬扒又係淋又淡，完全唔係煎熟出黎既，最慘連黑椒汁都係淡既，諗住舊魚冇味都可以點汁搭夠丫﹔老公件牛柳又淋又冇牛味兼冇質感，唉...趕出餐都唔好乜都用水烚丫，唔通真係睇裝修同煙BOOMBOOM就滿意咩老細。結帳時又送50蚊COUPON，倒不如改善食物質素仲好喇諗