影片
更多
2010-05-16
221 浏览
近年去過唔少地方打邊爐，但令我覺得值得再次返兜嘅，一隻手數得晒。繼上次高流灣之後，呢間位於天后清風街嘅上品火鍋料理，食過之後即刻愛上，呢份一食鍾情嘅感覺，絕對係非推介不可！醬料盒選擇都唔少，未計基本嘅豉油總共有十三款。一時之間花多眼亂，不過人總係貪心，最後我地每人都拎左兩個碗仔作唔同配搭...湯底同樣令人花多眼亂，不過有兩個真係又平又吸引。尤其係呢個杏汁白肺湯底($68)，杏味幾勁，而且湯底有菜乾、白菜、紅蘿蔔、雞腳、豬肺，真係落足料，大家都忍唔住飲一碗潤下喉先...正呀！另一個好味湯底就係呢個冬瓜豬骨瑤柱湯($68)，表面平平無奇，但入面真係樣樣靚料，秀珍菇新鮮、粟米清甜，配埋入味嘅冬瓜，真係掂！手切安格斯肥牛($118/大) - 份量都幾多，肉味豐腴，鮮味無窮，無牛不歡嘅朋友唔好錯過！小雲耳($48) - 平時打邊爐真係好少食呢樣，見呢度推介就即管試下。食落雖然幾爽口亦幾香，不過唔算係必食，非愛好者可以無視...自製子母蝦腐($68) - 製法同大家平時食嘅魚腐差唔多，呢個入面係蝦肉做成，食落鮮蝦味濃，而且口感相當細膩，淥耐少少連湯味道都入晒去，好味！魚皮餃($58) - 聽聞味道
醬料盒選擇都唔少，未計基本嘅豉油總共有十三款。一時之間花多眼亂，不過人總係貪心，最後我地每人都拎左兩個碗仔作唔同配搭...
湯底同樣令人花多眼亂，不過有兩個真係又平又吸引。尤其係呢個杏汁白肺湯底($68)，杏味幾勁，而且湯底有菜乾、白菜、紅蘿蔔、雞腳、豬肺，真係落足料，大家都忍唔住飲一碗潤下喉先...正呀！
另一個好味湯底就係呢個冬瓜豬骨瑤柱湯($68)，表面平平無奇，但入面真係樣樣靚料，秀珍菇新鮮、粟米清甜，配埋入味嘅冬瓜，真係掂！
手切安格斯肥牛($118/大) - 份量都幾多，肉味豐腴，鮮味無窮，無牛不歡嘅朋友唔好錯過！
小雲耳($48) - 平時打邊爐真係好少食呢樣，見呢度推介就即管試下。食落雖然幾爽口亦幾香，不過唔算係必食，非愛好者可以無視...
自製子母蝦腐($68) - 製法同大家平時食嘅魚腐差唔多，呢個入面係蝦肉做成，食落鮮蝦味濃，而且口感相當細膩，淥耐少少連湯味道都入晒去，好味！
魚皮餃($58) - 聽聞味道唔錯，呢樣野我一向唔食，所以都係No Comment...
櫻花牛刺身($118/大) - 唔單止賣相靚，而且牛肉砌得薄薄，入口即溶，掂到爆！如果蘸跟黎果隻酸辣汁，真係愈食愈好味，小心會停唔到口...
蜂巢冰豆腐($38) - 呢類豆腐一向都係食火鍋嘅妙品，蜂巢式內層令啲湯味更加入。雖然食落無台式豆腐咁正，但都幾特別架～
花膠筒($88) - 雖然呢個其實配鮮魚湯底係最理想，不過配用杏汁豬肺湯底都唔失禮，鮮味十足，又夠爽口，絕對推介俾各位小姐女士，好有益架！
明太子釀冬菇($68) - 黎到呢度，你會發覺有好多用魚滑蝦滑釀製及包製嘅食品，好似呢個釀冬菇就係其中之一，不過建議大家浸耐少少先食，入面太足料，唔係幾分鐘就食得～
手釀四色丸($78) / 灌湯茄蓉包($78) - 前者係呢度必食推介，味道有幾正我想賣個關子，但粒粒入面有野爆出黎，食果陣真係要小心。灌湯茄蓉包係全晚最大嘅驚喜，簡單啲講佢只係包滿鮮茄蓉嘅小籠包，但原來豬肉餡同茄蓉係咁夾，好味到爆燈！極級推介！
海蝦滑($78) - 從來無諗過，打邊爐食蝦滑係可以好食成咁，啖啖都有鮮蝦肉嘅感覺，又彈牙又鮮味，下次必定要試埋墨魚滑！
流沙汁釀墨魚丸($78) - 單以墨魚丸本身黎計，高流灣可能稍佔上風，但加埋流沙汁的話，呢個真係天下無敵！好似食緊奶皇流沙飽嘅感覺一樣，但出面換上彈牙墨丸，另一必食推介！
桂花蚌($88) - 味道其實唔錯，夠晒鮮味，份量亦唔細。可惜高流灣果個實在太出色，相形見絀...
芝心鳳尾蝦($78) - 除左茄蓉包同流沙墨丸之外，呢個賣相精緻嘅芝心鳳尾蝦同樣係非食不可，蝦肉鮮味無比，入面嘅芝士香濃好味，一咬慢慢流出黎，實在精彩！
飯後送嘅甜品亦唔馬虎，就好似呢個自家出品嘅香芋布甸，香滑得黎芋頭味又濃，掂呀！
上品火鍋係我心目中得分最高，除左食物質素好之外，服務質素好貼心又有禮貌，相比高流灣更加係天大對比。今餐每位大約$250左右，唔算好平，但絕對合理，中意打邊爐嘅朋友快啲book位喇～！
张贴
