Mini Friday (銀城廣場) (已結業)

收工約左朋友係旺角食飯傾計，依間環境夠大，又舒適，真係唔錯既選擇。一黎店員已經送上小食，墨西哥脆片，原來是免費的，唔夠仲可以再叫，超正。我地叫左Fruit Tea一齊分享，好多生果，又唔會太甜，正！之後主菜有鮑魚鮮蝦意大利麵，意大利麵煮得剛剛好，而且配埋番茄仔，唔會太乾。最意想不到是鮑同同蝦既份量一d都唔少，仲大大隻，爽口彈牙！再黎仲有脆燒德國豬手，店員先放低豬手，再上前點火，簡直係先滿足我地視覺既享受。之後店員會拎返入去切件，方便我地食，真係服務周到！豬手燒完外皮超脆，但入面肉質一d都唔乾，完全食到停唔到口！