Olive ERA (已結業)

今日我生日，老公book咗呢度話同我食牛扒，喺OpenRice訂有八折，但係唯獨是斧頭扒同飲品冇折，一場嚟到梗係食斧頭扒啦，一場嚟到梗係食斧頭扒啦。我哋叫咗七成熟，除咗牛扒，仲有薯條同埋少少沙律，等左15分鐘牛扒終於嚟到，塊扒大概有兩寸厚，大約有兩隻手掌咁大，頭嗰幾啖都OK幾juicy 又有少少肥，切左幾啖之後發覺有少少over熟咗，但係牛肉味都幾夠，塊扒$498，我睇過出邊自己買生嘅都要三百幾蚊，性價比都OK，但唔算係物超所值，食嘢嘅環境都OK幾relax，好多人喺度飲酒食煙傾計，同朋友gathering都幾好嘅。