福丸水產 鉄板燒 日本料理 (已結業)

年尾去完日本返嚟後就迷上咗鐵板燒，於是上網search睇下搵間鐵板燒俾我止吓癮，點知俾我發現咗公司附近嘅福丸！估唔到連荃灣區都有鐵板燒食😋我地兩個人book咗枱8點鐘，呢頭我好熟路，等埋朋友收工過嚟喺mtr接佢，行過去荃新天地後面就係。餐廳面積好大，佔左全層，入面大致分兩part，門口一入去係食日本料理，行到最入有兩間大房食鐵板燒。⭐️沙律一坐低，店員就為我地送上熱茶同沙律。沙律菜好新鮮，個汁酸酸地，感覺清新。⭐️開胃前菜湯葉-食落似好滑嫩嘅腐竹，好有荳香味。菜之花-酸甜爽脆。水雲醋漬-水雲係藻類嘅一種，酸溜開胃。呢到就我地既晚餐喇💁‍♀隻蝦超大隻!!! 師傅亦都有細心介紹番各種食材俾我地認識。全部食材一睇就知好新鮮，就連擺盤都好精美一絲不苛。⭐️華味鳥由於朋友唔食牛，肉類除咗牛，仲有華味鳥(雞)同芋豚(豬)，兩者都係嚟自日本嘅食材，係用上特別飼料，天然環境去養殖，標榜無任何成長賀爾蒙劑。我地揀咗華味鳥，肉質結實有咬口，雞皮好薄，亦見唔到有皮下脂肪，雞肉味香濃。⭐️鵝肝師傅幫我地分成4粒，底下多士好脆又夠薄👍🏻索哂鵝肝嘅油香。鵝肝油香十足，嫩滑，食完口腔中嘅香味依然久久不散。碟上4點係無花果黑