影片
更多
2017-05-30
104 浏览
今日難得早放，又好想食壽司，二話不說就壽左monster sushi 到食啦....見到佢地轉左有新既餐單，就點左個六種吞拿魚壽司黎試下：大拖羅壽司- 十分新鮮，大拖羅魚生好厚身，好有光澤，味道香甜味甘，魚油味好濃郁....中拖羅壽司- 色澤粉嫩，味道十分香甜，加埋醬油味道好夾....和風醬油湯箱赤身壽司- 由於有醬油既關係色澤比較暗沉，但係佢仲保持到魚生既光滑亮澤，味道都唔錯，醬油既鹹鮮味令到吞拿魚既味道昇華左，而且一啲腥味都冇....赤身壽司-食落味道一啲都唔腥而且好鮮甜，再加埋胡麻醬/法國芥末醬，令到吞拿魚有唔同既層次，連我本身都唔鐘意食吞拿魚都漸漸愛上左佢既味道.....佢呢到有個貼心既點醬油方法，就係每個人都會有一個掃，點落醬油到再掃落魚生/壽司，避免因爲整件壽司點落醬油令到啲飯太鹹，食唔到魚生既味道....真係既傳統又有創意！之後我地就點左幾款野食：Monster sushi -呢個真係必點....壽司飯上面鋪上帆立貝、鵝肝醬、吞拿魚茸、海膽同埋魚子醬...每樣食材新鮮鮮美之餘，整件食落去味道十豐富而且唔會搶左其他既味道，帆立貝清甜肥厚，鵝肝醬既濃郁，吞拿魚茸既肥美鮮甜再加
見到佢地轉左有新既餐單，就點左個六種吞拿魚壽司黎試下：
大拖羅壽司- 十分新鮮，大拖羅魚生好厚身，好有光澤，味道香甜味甘，魚油味好濃郁....
中拖羅壽司- 色澤粉嫩，味道十分香甜，加埋醬油味道好夾....
和風醬油湯箱赤身壽司- 由於有醬油既關係色澤比較暗沉，但係佢仲保持到魚生既光滑亮澤，味道都唔錯，醬油既鹹鮮味令到吞拿魚既味道昇華左，而且一啲腥味都冇....
赤身壽司-食落味道一啲都唔腥而且好鮮甜，再加埋胡麻醬/法國芥末醬，令到吞拿魚有唔同既層次，連我本身都唔鐘意食吞拿魚都漸漸愛上左佢既味道.....
佢呢到有個貼心既點醬油方法，就係每個人都會有一個掃，點落醬油到再掃落魚生/壽司，避免因爲整件壽司點落醬油令到啲飯太鹹，食唔到魚生既味道....真係既傳統又有創意！
之後我地就點左幾款野食：
Monster sushi -呢個真係必點....壽司飯上面鋪上帆立貝、鵝肝醬、吞拿魚茸、海膽同埋魚子醬...每樣食材新鮮鮮美之餘，整件食落去味道十豐富而且唔會搶左其他既味道，帆立貝清甜肥厚，鵝肝醬既濃郁，吞拿魚茸既肥美鮮甜再加海膽膽魚子醬既鮮甜，值得一讚！
醬油漬三文魚子軍艦- 三文魚子粒粒包滿，食落卜卜聲，魚油海水醬油味湧哂出黎，真係超級好味！
穴子壽司-穴子係我嘅最愛，呢到既穴子整條上之餘仲好大件，味道十分香甜鮮味，穴子火炙後味道變得好濃郁，入口即溶，真係好好味....
芝士鰻魚卷-芝士味濃加埋香滑既鰻魚同埋沙拉醬味道好夾，好好味！
赤海蝦壽司- 赤海蝦十分爽甜厚肉，味道鮮甜多汁，十分新鮮...蝦味都好濃郁添....
今次好滿足，食材新鮮好味，服務都唔錯，下次一定再試過！
张贴
