影片
以上资料只供参考，请与餐厅确认详情
开工大吉！今日讲左好多恭喜发财😂送出好多祝福💃🏻前排趁monster sushi执笠前去左食2人餐 咩都有d👻最最好食系天妇罗隔离唔起眼既比目鱼！！！其实全部野食都唔差！可惜😖好似2月尾就执了😖
继续阅读
见朋友话餐厅就搬迁 谂住做最后嘅顾客 点知换来失望嘅回忆🤧🤧🤧只叫左7碟寿司同鱼生🍱 仲要一向寿司一碟一旧够哂贵 最后埋单二百几 但质素好似放题咁🤢三文鱼寿司🍣 不过不失 正正常常 油甘鱼腩寿司 好唔新鲜 同太薄火炙芝士玉子寿司 🧀个芝士。。。硬骨骨咁摆系玉子上面 唔知摆左几耐咁 玉子中间好水 搞唔掂鲷鱼刺身🐠 一阵腥味 食完想呕返出嚟 火焰鲑鱼忌廉芝士蟹肉卷 成个寿司比沙律酱嘅味覆盖晒 食唔到精粹唯一比较好嘅系黑松露皇帝蟹棒寿司 蟹棒好有份量 亦都有鲜味🦀但整体来讲 餐厅喺呢个商场 呢个铺位 同埋呢个价钱 咁嘅质素真系好唔值得 性价比太低😐
继续阅读
上年尾做到年头，工作排山倒海未停过，要约朋友食饭放风抖下气。一早睇定食评，黎间几好咁又就脚，决定试一试。晚饭时间岩岩开始，唔使等，仲大把位㨂。枱与枱之间唔迫，座得舒服，楼底高唔局促，唔太嘈。食物非想像中咁特别，一般一般，有落差。先黎个香芒蟹肉飞鱼子沙律，好清好清，芒果粒好碎。如果芒果粒大番d，或者加d沙律醋会仲好味。寿司当然唔少得，唔算有特色食得寿司当然唔少得手卷，海胆手卷，唔该！鹅肝芝士软壳蟹卷，好食既，但鹅肝系边？？全晚觉得最好食：蒜香厚烧牛舌。外边脆，肉嫩，一咬即化。垫底既牙菜出奇好食、好爽口再黎多个热熟食：和风香葱牛柳粒。但黎个唔掂，唔热，无牛味，无肉汁整体黎讲食物平平，无惊喜。但服务就真要检讨再培训！由入门口带位个小姐、到接order 纸落order 既、再到上菜既、直到埋单既，全部都黑口黑面，乜家阵黑面代表高级d咩？叫我埋单位先生仲搞笑，一埋黎就问上晒菜未，跟手就队埋张单上枱，话够钟，晚饭限1.5个钟。够钟？我地完全唔知有限时，带位既完全无讲过，严格黎讲系无人讲过野。算喇，难得食饭唔好搞㖞心情，比卡埋单。等卡单期间，见枱面仲有少少唔想做大嘥鬼，食埋先，岩岩队单埋黎位先生又出现，仲好唔客气讲「小姐，够晒钟，要离开喇，出面大把人等！」前后都唔够5、6分钟啫，使唔使咁！再算，心谂星期五晚人多，明既。但行到出门口，得一家三口系到等紧，咁叫「大把人」等紧？定系佢睇到d 我睇唔到既野呢？食市除左食物要好，先会令到客再黎；服务一样要用心先会有客想再黎。黎间，无下次，一定无下次！多谢晒
继续阅读
生蚝不唔干净。。导致食物中毒入院鱼生好唔掂又唔新鲜，24号晚今25号朝早入院，成个圣诞都无晒😭。打左电话去餐厅一个经理叫阿Sam报告，但都无回覆我d咩。唔会再去！
继续阅读
以前成日去isquare个间分店食，好多年无食突然谂起呢间野，原来得返朗豪坊一间，最估唔到系咁多年嚟仲有100蚊coupon，咁当然去试下啦。寿司、刺身都算新鲜，钟意佢个酱油唔系劲咸个只，呢个质素如果正价嚟讲有其他舖头好过佢既～总体都算好食既!
继续阅读