Dirty Skillet

营业中

休息中

Dirty skillet帶有色彩繽紛好開心既感覺。無論裝修環境，台上既餐巾包裝都用心設計過。非常 colorful, 特別一提其中有位女店員態度窩心，服務親切有禮。墨西哥脆餅配四川麻辣手撕雞，非常 fusion組合，效果非常不錯！topping黑白芝麻，葱粒，麻辣手撕雞，內層帶有牛油果醬，生菜絲，層次感好豐富！外層脆脆薄脆更添口感！味道惹味有質感。幾正。西班牙海鮮焗飯有大蝦，青口，帆立貝，鮮魷魚，蜆，雞肉，西班牙腸，西班牙焗飯幾綿密，帶有濃郁既香味！海鮮質數有番咁上下！幾鮮味，特別係蝦，鮮魷魚，帆立貝都特正，啖啖肉好食！成份都幾足料，好滿足。Berry twist float, 主調雜莓整成既飲品，還有雲呢拿雪糕，特別一提有數十款創新飲品。好多都好 colourful,見到都想試。芒果拿破崙，脆皮好多層次，脆卜卜，表面芒果蓉，內層既吉士醬又唔太甜，好正既甜品！