影片
更多
2024-03-16
821 浏览
🎵 I can show you the world 🎶 迪士尼嘅好莱坞酒店自助早餐有咩素食呢？一齐嚟睇下。👁️👁️望落好似糯米饭呢系炒饭嚟嘅，冇肉㗎，有啲冬菇碎同三色豆，应该加咗豉油炒（老抽啩，我唔识煮饭 sorry 😂）。由于炒得好干身，所以真系有食紧糯米饭嘅感觉，好好食呀。😛几款点心之中，竟然都照顾到素食者㖞，除咗有奶皇包，仲有素饺，系我钟意嘅厚皮，馅系杂菌嚟嘅，同平时酒楼食到嘅杂菌素饺差唔多。🥟两款咖哩都系素食嚟嘅，利申冇食，因为晨早流流唔想食咖哩 😅。睇返相片一款系鹰嘴豆，一款系车厘茄，蕃茄，青椒咁上下啦 😸。附近有啲印度薄脆比大家点咖哩食。两款粥之中，素食者可以食嘅系边款呢？当然系白粥啦，另一款系皮蛋瘦肉粥。港式混酱肠粉都有，可以用嚟送白粥食。😊有粥有饭，中国四大发明嘅粉同面都唔缺少㖞，啲面好特别，有南瓜面，薯仔面，菠菜面等，佢都有即食面但唔知系咪呢排好 hit 嘅大光面喇。坏消息系个汤系猪骨汤嚟嘅，素友们可以视乎自己素食尺度决定食唔食喇，或者唔要汤当捞面食都 okay。👌🏻新年食糕仲食唔够嘅朋友，呢度有萝卜糕同芋头糕，萝卜糕有虾米腊肉就唔意外啦，芋头糕素友们可以食，我食过都几
望落好似糯米饭呢系炒饭嚟嘅，冇肉㗎，有啲冬菇碎同三色豆，应该加咗豉油炒（老抽啩，我唔识煮饭 sorry 😂）。由于炒得好干身，所以真系有食紧糯米饭嘅感觉，好好食呀。😛
炒饭
17 浏览
0 赞好
0 留言
几款点心之中，竟然都照顾到素食者㖞，除咗有奶皇包，仲有素饺，系我钟意嘅厚皮，馅系杂菌嚟嘅，同平时酒楼食到嘅杂菌素饺差唔多。🥟
素饺
21 浏览
0 赞好
0 留言
两款咖哩都系素食嚟嘅，利申冇食，因为晨早流流唔想食咖哩 😅。睇返相片一款系鹰嘴豆，一款系车厘茄，蕃茄，青椒咁上下啦 😸。附近有啲印度薄脆比大家点咖哩食。
咖哩
17 浏览
0 赞好
0 留言
两款粥之中，素食者可以食嘅系边款呢？当然系白粥啦，另一款系皮蛋瘦肉粥。港式混酱肠粉都有，可以用嚟送白粥食。😊
白粥，混酱肠粉
11 浏览
0 赞好
0 留言
有粥有饭，中国四大发明嘅粉同面都唔缺少㖞，啲面好特别，有南瓜面，薯仔面，菠菜面等，佢都有即食面但唔知系咪呢排好 hit 嘅大光面喇。坏消息系个汤系猪骨汤嚟嘅，素友们可以视乎自己素食尺度决定食唔食喇，或者唔要汤当捞面食都 okay。👌🏻
即煮粉面
18 浏览
0 赞好
0 留言
新年食糕仲食唔够嘅朋友，呢度有萝卜糕同芋头糕，萝卜糕有虾米腊肉就唔意外啦，芋头糕素友们可以食，我食过都几好食，好香口同非常足料。💪🏻
小朋友最爱嘅三角薯饼同鸡蛋都有，水有三种状态大家都知，自助早餐嘅蛋都系，包括 scrambled eggs，荷包蛋，同烚蛋。通常酒店嘅 scrambled eggs 唔会太差啦，但呢度食落去杰挞挞咁，有点怪，可能落太多牛油？荷包蛋就唔错，烚蛋冇食。🥚
薯饼，煎蛋，炒蛋
16 浏览
0 赞好
0 留言
早餐嘅饮品换咗做奶，除咗牛奶，仲有燕麦奶同豆酱。燕麦奶够冻又香甜，豆浆豆味好浓郁，各有各好饮。🥛
燕麦奶，豆浆
20 浏览
0 赞好
0 留言
面包饼类方面，面包有牛油，蜜糖同果酱可供搽面包。萄挞热辣辣超好食。热香饼我冇食，但卖相唔错。另外有米奇（朱古力味）同小熊维尼（蓝莓味）造型松饼，除咗靓之外都好好味。🧁
葡挞，热香饼
22 浏览
0 赞好
0 留言
松饼
22 浏览
0 赞好
0 留言
佢有啲冻瑞士麦皮，问过成份有忌廉同奶嘅，仲加咗啲果仁。当然唔少得有生果同各款味道嘅杯装乳酪。🍧
至于琴晚出现过嘅薄饼，冷面同沙律，早餐都见到㖞，当然我冇做个记号睇下系咪琴晚食剩㗎啦。😀
总括嚟讲，迪士尼好莱坞嘅自助餐，素食者冇咗果种比钱入嚟陪人食嘢嘅感觉，真系食得饱之余，可以食嘅款式都算多。虽然价钱唔平啦，例呢个早餐独立买要 $288，但食得开心偶一为之都 okay 嘅。🤠
杂菜，车厘茄
23 浏览
0 赞好
0 留言
张贴
