影片
更多
2023-12-12
232 浏览
銅鑼灣omakase . 醉月 係我遲左半年都堅持要要出呢個食評話說今年六月同朋友慶祝生日去咗銅鑼灣恩平道嘅醉月食個豐盛午宴嚟到去慶祝店面簡簡單單，係日式嘅簡約風格，分咗兩大個區域 一邊係食鐵板燒 另一邊就係食Omakase樓層亦都因為夠高，所以景觀開陽冇記錯，當時係揀咗月套餐嘅前菜- 水雲菜： 呢個水雲菜，超級開胃，個酸醋汁夠晒特別- 螺肉： 即係梅貝，即係日本東風螺，超級彈牙爽口- 蕃茄： 好有香氣嘅蕃茄，清甜酸一次過享受- 玉子： 前面三道菜應夠晒開胃，炎炎嘅夏日，個感覺就好似去咗日本食流水麵，一樣清涼然後嚟多一個玉子作為展開，直入主題海鮮茶碗蒸：有超多魚子，口感軟滑既蒸蛋又有卜卜卜卜卜卜既豐富口感之外，料亦都非常之足夠，仲有其他嘅海鮮，但令我驚艷嘅係，竟然有咁大嚿菇係個茶碗蒸入邊啊！刺身-魚刺身金箔海膽：希望我冇記錯係鯛魚喇（半年前，就算睇番相都未必記得咁清楚）我就覺得好好食，好特別咋 仲要擺盤勁靚，不得了-蘋果木煙燻拖羅：呢度拖羅灸燒過外層，油脂剛剛好，煙燻味道又夠香，而且器皿分兩層，上層有鮑魚片配菜亦都係酸酸甜甜好開胃，再食埋中間嘅菜同沙律，再食最底層嘅拖羅，超級享受 😎.
係我遲左半年都堅持要要出呢個食評
話說今年六月同朋友慶祝生日
去咗銅鑼灣恩平道嘅醉月食個豐盛午宴嚟到去慶祝
店面簡簡單單，係日式嘅簡約風格，分咗兩大個區域
一邊係食鐵板燒 另一邊就係食Omakase
樓層亦都因為夠高，所以景觀開陽
冇記錯，當時係揀咗月套餐嘅
10 浏览
1 赞好
0 留言
前菜
- 水雲菜： 呢個水雲菜，超級開胃，個酸醋汁夠晒特別
- 螺肉： 即係梅貝，即係日本東風螺，超級彈牙爽口
- 蕃茄： 好有香氣嘅蕃茄，清甜酸一次過享受
- 玉子： 前面三道菜應夠晒開胃，炎炎嘅夏日，個感覺就好似去咗日本食流水麵，一樣清涼然後嚟多一個玉子作為展開，直入主題
海鮮茶碗蒸：
有超多魚子，口感軟滑既蒸蛋又有卜卜卜卜卜卜既豐富口感之外，料亦都非常之足夠，仲有其他嘅海鮮，但令我驚艷嘅係，竟然有咁大嚿菇係個茶碗蒸入邊啊！
刺身
-魚刺身金箔海膽：
希望我冇記錯係鯛魚喇（半年前，就算睇番相都未必記得咁清楚）
我就覺得好好食，好特別咋
仲要擺盤勁靚，不得了
-蘋果木煙燻拖羅：
呢度拖羅灸燒過外層，油脂剛剛好，煙燻味道又夠香，而且器皿分兩層，上層有鮑魚片配菜亦都係酸酸甜甜好開胃，再食埋中間嘅菜同沙律，再食最底層嘅拖羅，超級享受 😎
.
鱗𩶘燒配清酒：
-金鯛魚鱗𩶘燒：入口真係超脆，如果大家有印象我嘅story曾經post過我朋友咬落去超級脆口嘅片段，再佐以海苔海膽汁真係世一
-清酒：
如圖所見，女城主，想知有幾好飲自己上去試啦
壽司六貫
-深海池魚、赤身、赤貝、白蝦、中拖羅、海膽手捲：
好好味，全部都好好味，驚喜之我冇諗過前邊已經食咗海膽，後邊都仲可以有海膽食，好多謝員工朋友嘅安排，等我可以再食多一次海膽大大嚿超滿足！
.
我唔知係咪後邊已經飲酒吹水太開心，我竟然唔記得影個甜品啦同埋個味噌湯～事關當天我下午4點返工塊面都仲有少少紅 🫣🤣
消失的蘋果金寶雲呢拿雪糕：
食完先記得影相，呢個蘋果金寶雲呢拿雪糕都係師傅自製嘅，當中嘅玉桂味絕對出色，我本人係極度怕玉桂，但呢個我完全唔抗拒仲食得津津有味，酸味同清香，到底點解會部署得咁好㗎？仲要有玫瑰花瓣作伴，寵幸感滿瀉🥰🥰
.
食材高汁，環境高汁，店員有禮，師傅專業，快啲登記預約享用喇，推爆呀！
张贴
