火鍋隨意門

营业中

休息中

今日喺銅鑼灣行街，差唔多去到晚飯時間就上網睇吓邊間打邊爐好食，上網search呢間評分幾高喺OpenRice book位寫住有六折。收線嗰下一入到舖頭坐低張枱已經有兩隻烏蠅喺度飛，跟住叫啲員工幫手睇吓轉台或者點，講完佢地話OK跟住走開咗冇人再返嚟🤨再黎就係原來所謂<六折>係要電話number有6個3先會有六折，但book位嘅時候條款冇寫明/提及過。我直接同啲員工講，你地咁樣係誤導消費者，講完扮聽唔到走開左，都幾勁🙃因為我地一家大細黎食，唔想行黎行去，所以當時就算知道原來冇六折但都費事再搵過第二間。但去到呢度已經見到餐廳同埋員工嘅服務都完全唔掂。食嘅過程頭半個鐘枱面樽水已經消失咗兩次，我問員工我哋支水呢，跟住佢竟然話係共用😂但間餐廳加埋都係得十幾張枱，一張枱獨立俾一支水都做唔到。跟住最搞笑係個員工過咗1分鐘行返黎同我講搵唔到支水😅我依家嚟食飯唔係要我自己行去第二張枱搵完再拎返黎嘛？水呢啲都係好基本嘅野，連咁樣都要個客問幾次就真係唔掂。呢間打邊爐食物就正常，中規中矩。只係服務真係有待改善，同埋唔需要用六折呢個虛假噱頭去吸引人。