影片
更多
2021-01-30
60 浏览
見今年又無得去旅行，所以搵餐好少少既omakase 食下，見呢間鮨逸新開就試下！當日叫左個25品既omakase set豪一豪去！首先食既係沖縄水雲配上土佐醋同薑蓉，酸酸地幾清新，水雲又爽口，配上薑蓉都幾好食！鱈魚白子，冬天係白子既季節，當然唔少得！酸汁同白子滑滑既口感融為一體，無得輸。熟成八爪魚加上用上柔煮既旁式烹調，分解了一些煙韌的口感，令八爪魚變得軟軟而且入味，都唔錯！新鮮帆立貝加上竹炭鹽吊出鮮味，而群邊就用左燒既方法食埋，亦因此證明左係新鮮，因為師傅話買雪藏既帆立貝係唔會包群邊！鮫鰈魚平時魚味比較清淡，所以配上濃味既肝醬同矜貴嘅日本芽䓤，呢個配搭簡直一絕，而且係厚切嘅方法，真係超好食！海膽豆腐配上蟹肉同黑魚子，滑溜嘅豆腐配上相對濃味嘅魚子醬同蟹肉，反而有一種格外嘅鮮甜北海道刺身級銀鱈魚，燒過嘅銀雪魚，迫左佢嘅油份出嚟，令佢格外嘅香同滑，呢個又係超正！Bb呑拿魚，配上柚子胡椒，小小嘅辣味配上吞拿魚都幾特別！鮟鱇魚肝非常細滑，要種入口就覺得幸福嘅感覺！北海道牡丹蝦配上蝦膏同蝦子，鮮味十足！小長井蠔雖然師傅話唔算係勁大隻個啲，但肉質好飽滿同鮮甜深海池魚同鰤魚都好新鮮真名鰹第一次食，燒
首先食既係沖縄水雲配上土佐醋同薑蓉，酸酸地幾清新，水雲又爽口，配上薑蓉都幾好食！
鱈魚白子，冬天係白子既季節，當然唔少得！酸汁同白子滑滑既口感融為一體，無得輸。
熟成八爪魚加上用上柔煮既旁式烹調，分解了一些煙韌的口感，令八爪魚變得軟軟而且入味，都唔錯！
新鮮帆立貝加上竹炭鹽吊出鮮味，而群邊就用左燒既方法食埋，亦因此證明左係新鮮，因為師傅話買雪藏既帆立貝係唔會包群邊！
鮫鰈魚平時魚味比較清淡，所以配上濃味既肝醬同矜貴嘅日本芽䓤，呢個配搭簡直一絕，而且係厚切嘅方法，真係超好食！
海膽豆腐配上蟹肉同黑魚子，滑溜嘅豆腐配上相對濃味嘅魚子醬同蟹肉，反而有一種格外嘅鮮甜
北海道刺身級銀鱈魚，燒過嘅銀雪魚，迫左佢嘅油份出嚟，令佢格外嘅香同滑，呢個又係超正！
Bb呑拿魚，配上柚子胡椒，小小嘅辣味配上吞拿魚都幾特別！
鮟鱇魚肝非常細滑，要種入口就覺得幸福嘅感覺！
北海道牡丹蝦配上蝦膏同蝦子，鮮味十足！
小長井蠔雖然師傅話唔算係勁大隻個啲，但肉質好飽滿同鮮甜
深海池魚同鰤魚都好新鮮
真名鰹第一次食，燒香左又係好鐘意油香十足既口感，好驚喜！
白見貝比較少食，鮮甜而且口感好爽；燒過又有另一返風味！
蟹膏鮑魚爽口，佢咪濃郁既蟹膏更帶出鮑魚既鮮味
新鮮海鰻天婦羅，呢個真心驚喜地好食，熱辣辣炸完出嚟嘅口感都係好實淨，完全無因為炸過而影響咗海鰻嘅口感，新鮮真係唔同啲！
新鮮北寄貝經過拍打之後，肌肉收緊左變得更
爽口，正！
燒交碟魚邊油份滲晒出嚟，岩晒我既口味
馬糞海膽好鮮甜，分量勁澎湃，見到都好開心！
藍鰭吞拿魚都已經唔使講，入口即溶咁滯！呑拿魚醬油漬就冇咁油，但係都好味！
士多啤梨天婦羅都係第一次試，再點埋啲煉奶食，都幾圓滿！仲有甜品同玉子添😌
總括來講，我覺得呢個omakase set $1280黎講都真係幾滿意，因為佢海鮮嘅種類都幾多元化，而且煮法都唔會話一味得刺身同壽司，中間都會間斷有啲熟食，感覺上成個experence就無咁單調，而且師傅都非常詳細咁介紹，真係值得推介！
张贴
