影片
更多
2012-09-05
18 浏览
今日行開旺角，見到泉章居隔離開咗間新舖頭，所以就同老公入去試吓！先講吓啲唔食得嘅嘢先，同一般火鍋店唔同，佢哋係電磁爐上面放咗塊膠墊，然後再喺上面擺個煲，都幾新穎同安全，唔怕辣親隻手吖嘛！😜入正題，佢哋都真係幾特別，其他餐廳會俾啲花生做前菜，佢哋就用水果（橙/西瓜），夠新鮮之餘又夠健康！👍我哋由於太肚餓嘅緣故，所以叫咗好多嘢食：1）蕃茄豬骨湯底 -- 雖然嗰度啲辣辣雞煲好出名，一入到去仲聞到好香嘅雞煲味，但本人唔係好食得辣，所以叫咗個蕃茄豬骨煲！個煲一嚟到，我同老公喺視覺上已經好夠味，一試之吓，真係冇乜邊到會落咁重料，湯底夠味，連帶啲薯仔同粟米都好夠味！👍👍2）頂級封門柳 -- 老細推介的，食落好有牛味，而且唔韌，個人覺得好好味，比起平日食嗰啲肥牛，真係好好味！👍👍👍3）黑毛豬腩肉 -- 切得薄薄嘅豬腩肉，滾兩滾就食得。加埋湯底嘅味道，感覺好好！👍👍4）清湯牛腩 -- 呢樣又係店主推介店主話可以就咁食，又可以放湯！一試之下，就咁食都好好味，夠淋又入味！之後又試吓放湯，點知舊牛腩汲收埋啲湯，真係超正！👍👍👍👍5）手打墨丸/蝦丸 -- 彈牙之餘又足料！👍👍6）雜菜籃 -- 雖然都係一般雜菜同
先講吓啲唔食得嘅嘢先，同一般火鍋店唔同，佢哋係電磁爐上面放咗塊膠墊，然後再喺上面擺個煲，都幾新穎同安全，唔怕辣親隻手吖嘛！😜
入正題，佢哋都真係幾特別，其他餐廳會俾啲花生做前菜，佢哋就用水果（橙/西瓜），夠新鮮之餘又夠健康！👍
我哋由於太肚餓嘅緣故，所以叫咗好多嘢食：
1）蕃茄豬骨湯底 -- 雖然嗰度啲辣辣雞煲好出名，一入到去仲聞到好香嘅雞煲味，但本人唔係好食得辣，所以叫咗個蕃茄豬骨煲！個煲一嚟到，我同老公喺視覺上已經好夠味，一試之吓，真係冇乜邊到會落咁重料，湯底夠味，連帶啲薯仔同粟米都好夠味！👍👍
2）頂級封門柳 -- 老細推介的，食落好有牛味，而且唔韌，個人覺得好好味，比起平日食嗰啲肥牛，真係好好味！👍👍👍
3）黑毛豬腩肉 -- 切得薄薄嘅豬腩肉，滾兩滾就食得。加埋湯底嘅味道，感覺好好！👍👍
4）清湯牛腩 -- 呢樣又係店主推介店主話可以就咁食，又可以放湯！一試之下，就咁食都好好味，夠淋又入味！之後又試吓放湯，點知舊牛腩汲收埋啲湯，真係超正！👍👍👍👍
5）手打墨丸/蝦丸 -- 彈牙之餘又足料！👍👍
6）雜菜籃 -- 雖然都係一般雜菜同菇，特別就在於個雜菜籃裏面啲雜菜擺得好靚，足見廚師嘅細心！👍
7）甜品 -- 食得飽飽，點知最後老闆娘端來兩舊嘢，原來係綠茶雪米磁！呢間舖頭都真係有好多心思！食到㷫烚烚，再食粒凍嘅雪米磁，真係好下火，當下啲熱氣都真係冇晒！👍👍👍👍
總括來說，呢間新火鍋店可以一試，店裏面嘅人招呼周到，又夠禮貌，食物又幾多樣化，有啲我都未試過！下次我都要試吓個雞煲先，因為隔離個雞煲都真係好香呀！
张贴