影片
更多
2009-04-20
18 浏览
想試呢間扒房好多年，由佢喺食通天做到霎東街，咁多年都未幫襯過，終於有機會一試呢間好多人賺好嘅扒房。入到餐廳，見到牆身掛咗好多最佳食府嘅獎狀，但係最新嗰張只係去到2003，之後呢?叫咗兩個一樣嘅dinner set，加兩杯house wine1. House red wine - 都算易入口的，不過本人不太懂欣賞。2. 法國包 - 外皮好脆，入面好軟熟，好味。可以refill3. Pan-fried Goose Liver with Prune & Port Wine Sauce 香煎鵝肝配西梅砵酒汁 - 鵝肝煎得幾好，但係本身質地唔夠滑，質素有限，西梅砵酒汁既香又帶點點酸，有效中和鵝肝嘅肥膩感，非常好。4. Lobster Bisque flavoured with Cognac 特級龍蝦湯 - 味道唔夠濃，唔夠龍蝦肉，冇咬口，而且湯有點稀。5. Grilled Ribeye steak 炭燒肉眼扒 - 終於輪到主角出場，爐好似唔係咁猛火，煮得唔夠燶，唔夠香，而且佢上枱前已經將牛扒切成一片片，雖然可以令到客人易啲食，但係會令牛肉本身易凍，失敗。香草牛油汁就太稀，好難配合牛肉一齊食。6.
叫咗兩個一樣嘅dinner set，加兩杯house wine
1. House red wine - 都算易入口的，不過本人不太懂欣賞。
2. 法國包 - 外皮好脆，入面好軟熟，好味。可以refill
3. Pan-fried Goose Liver with Prune & Port Wine Sauce 香煎鵝肝配西梅砵酒汁 - 鵝肝煎得幾好，但係本身質地唔夠滑，質素有限，西梅砵酒汁既香又帶點點酸，有效中和鵝肝嘅肥膩感，非常好。
4. Lobster Bisque flavoured with Cognac 特級龍蝦湯 - 味道唔夠濃，唔夠龍蝦肉，冇咬口，而且湯有點稀。
5. Grilled Ribeye steak 炭燒肉眼扒 - 終於輪到主角出場，爐好似唔係咁猛火，煮得唔夠燶，唔夠香，而且佢上枱前已經將牛扒切成一片片，雖然可以令到客人易啲食，但係會令牛肉本身易凍，失敗。香草牛油汁就太稀，好難配合牛肉一齊食。
6. Warm Chocolate Cake served with Vanilla Ice Cream 暖心朱古力餅配雪糕 - 心太軟嘅蛋糕入面有chocolate syrup，整得又唔太甜，好易入口，配合埋凍凍嘅雪糕，配合得好好，仲有幾片生果，令到口感冇咁膩。
7. Coffee and tea - 普通貨式，不值一提。
Comments : 雷聲大，雨點少。我覺得牛肉唔算差，但好一般，未試過亦不會覺得可惜，環境又唔特別舒服，收得咁嘅價錢，好多地方都應該可以好過佢。
张贴
