九份•十分 (河畔花園) (已結業)

身為沙田友 發掘得佢太遲 雖然位置唔算優越 不過要食盡天下係要付出下既 行緊去既時候已經好擔心洗唔洗等位 答案係好野真係要等😂 好彩等左都係十幾分鐘 Menu好多選擇 樣樣都想試 阿熊要左珍珠奶茶 我就要朱古力朱古力如何突圍而出？就係比客人會熱朱古力撞落牛奶冰度 👍🏻 牛奶冰就咁食都得😂食台灣菜點能夠無紅燒牛肉麵 估唔到都大碗 而且仲咁足料 有埋牛筋 阿熊最鐘意 ！一啖湯連埋麵一齊食 正！湯唔會得個咸字 D牛同蘿蔔都吸哂個湯 我就嗌左細細碗麵線 有蚵仔同大腸 原本以為得是但一樣 蚵仔都幾鮮 大腸唔會太肥 麵線掛湯 每一啖都可以極速呑入口呢個係我期待已久嘅芝士熔岩雞 話說剛剛同阿熊邂逅嘅時候 佢應承帶我去食 講緊係年幾前 不過唔知點解又會搞到而家先有得食囉😒炸雞唔厚粉 雞肉亦都好滑 點埋芝士汁食 嘩 邪惡到一個點 身為芝士迷嘅我 呢個雞會比滿分 ！二百幾蚊食到咁多野 抵到爛 而且仲要咁高質素