影片
更多
2014-10-26
1189 浏览
一風堂,一間比我認為永遠要排到七彩既拉面店~早前我朋友跟我講好想去食呢間拉麵店~當時因為我地大家都係尖沙咀既關係所以就由我去拎位先啦~~我好鐘意呢個設計,就係可以自行拎飛最好就係佢可以自行入你既電話,系統就會自動打比你通知你準備入去架啦當日我地坐既地方就係廚房前面既吧木台位置~其實對於食野地方,我不嬲都麻麻地鐘意坐吧木台~但係有得睇下廚師煮野~加上呢間要等咁耐,一次半次算啦其實係尖沙咀一風堂分店,吧木台下面會有個位置可以比你擺袋架不過小妹亦試過只係掛住拎袋唔記得拎電腦-口-所以大家坐吧木台個陣,記得拎哂d 野先走呀!!今次我地兩個揀左兩款拉麵試下~分別就係【白丸元味拉麵】，【赤丸新味拉麵】【白丸元味拉麵】以豬骨湯底做主角加以木耳,芽菜同蔥做配料加以兩塊义燒做主食~今次我揀左硬身,因為我打算影相既關係xd所以當我影完相之後,麵質都開始變軟啦~另外朋友V 小姐叫了赤丸新味拉麵,湯底仍然以豬骨湯底做主角,加以黑蒜油和紅噹噹的辣醬雖然日本既辣醬其實都唔算好辣,不過大家好似我好怕辣既~就可以照叫赤丸但係走辣XDD(另外拉麵中會有D 油份架,其實係豬油黎既~其實可以令整碗麵香D 架)仲有大家都話一
一風堂,一間比我認為永遠要排到七彩既拉面店~早前我朋友跟我講好想去食呢間拉麵店~當時因為我地大家都係尖沙咀既關係
所以就由我去拎位先啦~~我好鐘意呢個設計,就係可以自行拎飛
最好就係佢可以自行入你既電話,系統就會自動打比你通知你準備入去架啦
當日我地坐既地方就係廚房前面既吧木台位置~其實對於食野地方,我不嬲都麻麻地鐘意坐吧木台~
但係有得睇下廚師煮野~加上呢間要等咁耐,一次半次算啦
其實係尖沙咀一風堂分店,吧木台下面會有個位置可以比你擺袋架不過小妹亦試過只係掛住拎袋唔記得拎電腦-口-
所以大家坐吧木台個陣,記得拎哂d 野先走呀!!
今次我地兩個揀左兩款拉麵試下~分別就係【白丸元味拉麵】，【赤丸新味拉麵】
【白丸元味拉麵】以豬骨湯底做主角加以木耳,芽菜同蔥做配料加以兩塊义燒做主食~
今次我揀左硬身,因為我打算影相既關係xd所以當我影完相之後,麵質都開始變軟啦~
另外朋友V 小姐叫了赤丸新味拉麵,湯底仍然以豬骨湯底做主角,加以黑蒜油和紅噹噹的辣醬
雖然日本既辣醬其實都唔算好辣,
不過大家好似我好怕辣既~就可以照叫赤丸但係走辣XDD
(另外拉麵中會有D 油份架,其實係豬油黎既~其實可以令整碗麵香D 架)
仲有大家都話一定要試既半熟蛋~其實我係橫崗拉麵店都食過但係對於我呢D太麻麻蛋黃既人,始終唔太吸引~
因為個次食係凍冰冰呀>.<但係今次我地叫左一粒各自食左半粒
加入湯中食原來係另一種風味呢~~連我都想Encore 多一隻呢xd
另外我地兩個仲可以叫到D 小食黎食XD呢個係明太子餃子雞翼,冇記錯係$36/2隻
其實味道都係唔錯,但係價錢上真係貴左D 既
另外仲叫左一風堂义燒角包,呢個小包包都係的式之作~但係都要$28/2件架~不過強烈建議要一到左即刻食~
唔係就會唔好味架啦~~小包既餡就係生菜+义燒+沙津醬
如果有興趣既朋友可以去試下啦^^
好啦~介紹完尖沙咀分店,就介紹一下金鐘分店啦
今次有機會去到金鐘既分店,主要就係因為Cherrie 邀請係介紹今次黎既目的之前,不如睇下今次金鐘既設計啦~
金鐘分店會配以黑白格仔裝修~加上拉麵碗既擺設
轉入內場,配以日本既燈箱設計~一張全木台既設計仲有幾張卡位座既位置~雖然店鋪不夠尖沙咀既大
但係感覺上沒有咁焗促~因為真係一眼睇得哂
今次到金鐘既目的~就係試新野---【我的拉麵】
何謂我的拉麵呢?就係因為一風堂想各個顧客都有一碗自己鐘意既拉麵好似湯底既咁樣,有人鐘意辣,有人鐘意普通湯底~
今次【我的拉麵】配以傳統既豬骨湯底~
首先我地先揀麵底~可以揀細麵,粗麵
Step 2 可以先揀麵既軟硬度,有分硬,普通,柔(軟)既程度
Step 3 就係揀油份,因為呢個油份就係以豬油成份~
有人會覺得豬油係好肥,所以係呢個時候就可以揀番少,普通,多既
Step 4 就係揀番調味料啦~下?我地唔係有豬骨湯底咩?
其實調味料就係配合豬骨湯底架啦~~
分別就有黑蒜油,辣味噌,魚粉,咖哩辣肉醬
咁只係揀左自己選擇既【我的拉麵】之後,當然要叫下餸先得架~本身一碗【我的拉麵】入面都會有少量既蔥同芽菜
如果你係大愛芽菜,同蔥既朋友~絕對可以加番$8 既
紫菜係【我的拉麵】入面係冇紫菜架~所以想食既朋友都要加$8啦~
另外當然唔少得我曾經大愛既半熟蛋,溫泉蛋,竹筍同埋木耳都係需要加$10/款既
當然除左以上既配料,仲要有主食啦~~
以下就係加上$15/款
分別有日式义燒,日式豬柳,最新推出既炙燒义燒
同埋新推出既辣蔥絲,仲有水煮野菜~~~
除左以上既主食& 配料,其實仲有兩款~
雜錦配料$30/Set
分別有日式义燒x2 , 木耳,豆芽,紫菜x2
特盛配料 $50/Set
分別有日式义燒x2 ,日式豬柳x2,木耳,芽菜,紫菜x2,半熟蛋1/2,竹筍
揀選完野食之後就有人為我地準備左小圍裙咁就唔洗擔心我呢d 好易整Dirty 衫既人仔啦~
不過平時食個陣好似冇呢樣野架啵xd講左咁耐,不如睇下實物先呢?
首先先介紹呢款辣味噌既自選拉麵,味道偏辣~
適合喜歡吃辣既朋友們~~~
第二款就係魚粉湯底既,魚粉味道有d 似番係大地魚味道味道偏咸,所以小妹就麻麻地呢款xd在乎你既口味啦~
輪到第三款拉麵就係咖哩辣肉醬唔好比佢d 色嚇親~其實呢個咖哩其實唔算太辣架,仲帶d 甜味
所以有機會都想試下呢個湯底xdd
登登登登登~~~輪到小妹揀選既湯底就係黑蒜油啦~味道有點香,加以普通程度既豬油,以粗麵底~
究竟粗麵同幼麵既分別又係點既呢?首先呢款就係細麵黎既,朋友Cherrie 揀左普通軟硬度既~
另外小妹揀左既就係粗麵底硬身的,但係睇番相其實好似冇咩分別不過覺得普通既麵質就會比較滑一點~
介紹完湯底,麵底~係時候輪到介紹主食啦~~今次小妹叫左
1)半熟蛋(我最愛~但係今次d 蛋蛋有d太熟啦,冇個隻流心感覺)
2)日式豬柳(好味~值得一試xd)
3)日式义燒(因為平時都有得食,如果唔係真係大愛既都可以唔叫)
4)炙燒义燒(必試Item !!! 因為真係啖啖肉,不過絕對唔會覺得好滯)
另外我除左半熟蛋仲叫埋左呢個溫泉蛋~~不過....味道就不及半熟蛋啦~主要係因為佢太凍啦
所以下次再食就未必再叫佢啦~~
既然食左咁多正野,都係時候~~食甜品!!我終於都明白點解D 人話,女人總係有兩個胃
即使食到幾飽都好,都可以食到甜品!!!
是沒錯的!!我食完成碗都係肉既拉麵
仍然可以食得落呢個南瓜布甸~
但係呢個應該好似冇係一風堂有售既~
所以想食之前請先望清楚個餐牌先XD
其實對於日本拉麵店,普通Size 既麵底其實都唔算大碗男生吃的話可能會唔夠喉/唔夠飽,
係呢個時候男生們~或者你可以叫一叫加底先啦,
另外有關义燒角包,因為我表妹都因為我既大力介紹而去試左
不過佢就覺得麻麻地好食,所以味道有機會因人而已
希望大家如果睇完我介紹,覺得唔好食唔好怪我呀xd
希望你都喜歡我介紹既一風堂,
张贴
