橋底辣蟹 (雅閣大廈) (已結業)

今晚與屋企人去咗間老牌飯店，平日經過多次都未試過，入去是古色古香的佈局，天花的大紅燈籠，現在已經少見。入得來相信必點招牌橋底辣蟹，我們選了微辣，應該係大部份人都會啱啱好，有少少辣香唔蓋過蟹鮮，炸蒜很香，如果拿來送飯都好食。蒜蓉粉絲蒸扇貝今晚$48隻，新鮮就得，夠大隻呀！ 夾埋蒜蓉粉絲真香。我爹哋最鍾意豉汁蒸鱔，最重要係啲鱔夠肥，豉汁又唔會搞到好鹹。本來之前仲有少少擔心魚湯勝瓜浸花甲會太清，結果味道係豐富嘅，花甲都唔少，又幾肥。果皮泥鯭仔，一份有九條，其實啲肉很滑又唔貴，好值得食，豉油汁送飯好味。