麻辣香鍋

营业中

休息中

今日放工同朋友喺旺角搵嘢食，見到門口個招牌勁搶眼，於是諗都冇諗就衝入去食，果然好味道👅呢間餐廳整嘅川菜好正宗，辣得來又香口，絕對有下次💕其實有個朋友唔係食得太辣，但呢間餐廳好好，有唔同嘅辣度比客人選擇，所以大家都唔使驚🥰主角一定係小龍蝦 ，揀咗麻辣味，又香又麻🙈而且勁多隻，係一座小龍蝦山😊泡椒田雞：田雞嘅肉好細嫩，仲好鮮甜喎👍🏻最鍾意食佢嘅雞髀肉，一粒肉勁好味😋藤香雞：我哋見到個名咁特別於是叫黎食，原來佢係麻油味勁出，而且雞件好滑😳蕃茄炒蛋：估唔到蕃茄炒蛋又真係同屋企食嘅嘢好唔同，完全食到蕃茄嘅鮮甜味👅麻婆豆腐: 豆腐夠晒滑，佢個芡汁啱啱好，可以用來撈埋飯添🤤