北料南麵 (已結業)

今日lunch去左試新嘢！呢排天氣潮濕，無咩胃口，所以就去左呢間專食麻辣麵嘅餐廳刺激下胃口！🤫我order嘅係麻辣素皇麵，全齋無肉，餸有雲耳、金菇、腐皮、響鈴同蔬菜～我因為唔係好食得辣，所以只係order左微辣，不過我覺得微辣都已經幾辣下，所以唔食得辣嘅朋友要注意喔！湯底好濃郁，而且唔會太麻，搞到條👅無曬知覺。腐皮同響鈴索曬啲湯，超級入味！因為湯底夠曬惹味，所以配菜全齋都唔會覺得dry！麵條係上海麵，口感較為腍，同樣好索湯！呢間餐廳除左供應麵之外，仲有提供水餃同多款小食，望落都好吸引～下次一於試埋其他嘢先！