影片
自从朋友一两个月之前，介绍完呢间「北料南面」俾嗜辣🌶如命既我之后，我一直都记挂住佢系心，但因为唔系个个朋友都食得辣，所以一直未有机会试！今日，终于揾到个肯同我去食辣既人🥺，的起心肝去食😍 见到佢个名甘有心思，话用北方既材料煮成啱南方人食既面！我就谂起南拳北腿🤣 系咪咁劲先？😏 就等我今日会一会你🤣 见到店入面有简介话铺头既老板系去左四川食过好多间，先揾到一间好食，然后再自己拜师学艺！净系呢个心已经好值得一试啦😍.而且餐厅有一个挑战，如果20分钟内，可以食完一碗正宗重庆麻辣小面连汤，就可以免费哦！墙上面有好多成功挑战既相。我今次就唔试啦，见到碗汤好多油，饮完应该会肥廿磅🤣.餐厅入面既环境光猛企理。食物选择多。呢道既餐牌，系用胶板同marker, 可以循环再用，非常环保！店入面既面食，有大同细两个 Size 可以简！面底有三种：小面、米线、薯粉！仲可以拣辣度，有微辣、小辣、中辣、大辣、超辣，走麻走辣，贴心。.📌麻辣猪润面大碗($37) ，小辣，面底拣小面! 份量非常多，而且厚切猪润洗得干净，够弹牙又唔鞋口， 刚好煮熟嘅猪润口感真系一流！个人认为佢既猪润比某知名猪润面更好食👍🏾👍🏾抵赞！另外跟餐加$6要左杯豆浆！.📌麻辣牛腩面细碗($29)，中辣，转米线! 一上菜，睇落好似好辣咁。颜色同小辣已经完全唔同,深色左好多, 闻落几香，先浅尝一啖汤底，唔算太辣！唔好俾碗面既红油呃左，汤底唔够浓味唔够麻辣味唔够香！但可以接受的！层红油唯一既作用只系keep住碗面食到最后都系热嘅👍🏾 米线面身够爽, 爽得黎够烟靭！细size面既份量已经好够一个女仔食！秘制牛腩, 味道还可以! 份量够多，有六至七旧腩位，肥瘦比例刚好, 肉质炆得够淋身带咬劲! 呢碗面食完唔会觉好好口渴，可见佢唔会好重味精！另外跟餐加$6要左罐Zero！(利申:谭仔食开二小，觉得呢度既中辣可以辣多少少，下次试大辣).另外，我地叫左两个小食:麻辣黄金皮蛋同麻辣卤味猪耳！.📌麻辣黄金皮蛋(小份) $15我地平时食开既黑色皮蛋系广东腌法，用石灰/化学碱腌制! 会有比较重的碱味。而金色皮蛋系四川腌法! 用天然草木灰腌制！黄金皮蛋颜色金黄，表面晶凝通透，质地似硬身既啫喱！蛋黄带溏心 ,有蛋黄香！外脆内软，味道比黑皮蛋易入口！配上蒜，葱，芝麻同微辣既麻辣汁。有层次！好食！.📌麻辣卤味猪耳(小份) $23猪耳口感爽脆有嚼劲！唔辣！带点卤味既味道！.总体嚟讲，抵食！性价比高！难怪位置咁偏僻唔方便，都算多人食！有机会会再去试下佢既大辣同捞面！😉
继续阅读
我点左牛腩大肠米线， 因为听人讲小辣唔够辣所以叫左中辣，成碗米线简单啲讲， 得两只味， 就系死咸同死辣。下午食到夜晚仲有果阵味在口。啲评伦仲赞不绝口， 我被骗了， 美好的一个假日都俾碗米线破坏晒
继续阅读
我同个Sis都唔太食得辣，但系落车就见到呢一间出名嘅四川面店，所以就胆粗粗入去试下，真系胆搏胆！呢间舖头好hard sell，好标榜佢哋系用正宗四川煮法，我唔知因为我冇去过四川， so it doesn't really a matter to me, 对我嚟讲最重要就系好味。麻辣狂牛面 (小麻 & 微辣) 𩠌系牛腩、牛展、牛柏叶、肥牛、菜，饮一啖汤，哗！都已经辣到好似啲火箭爆发咁， 我叫只系微辣，都咁嘅程度！真系勉强顶落去！ 我觉得个面好淋，𠮶啲牛腩、牛展、牛柏叶、肥牛嘅味道都系好一般，同一般车仔面店嘅味道差唔多; 个麻味我都ok得，但系啲辣我就真系受唔住。蒜泥白肉，味道好咸，猪肉好干柴，我唔算喜欢。麻辣土豆丝，味道唔算太过辣，我都顶得住，仲有啲酸酸地，反为喜欢呢一个。黄金皮蛋同，我平时食开嘅皮蛋味道有少少唔同，唔知点解喺金黄色，味道都ok啦。海带丝，又都系麻麻辣辣咁样嘅味道，口感唔错，不过点解乜嘢食物都系麻麻辣辣嘅味道呢？ 搞到好似食乜嘢都一样咁。菊花蜜，好甜好甜好甜，搞到要自己加水落去，调反淡来饮。四川冰粉，味道好特别，滑滑捋捋又透明，但系个味道系好甜。综合我食过所有嘢，得出一个结论，就系我唔太钟意食。 食完呢一餐之后，我成晚饮咗好多水。 睇嚟唔太适合我。
继续阅读
行过元州街，肚饿想食下午茶，见到呢间麻辣汤、重庆食品面店，呢个时势，入面仲有7成满座，感觉吾会错，一定有好嘢食。因为喜欢食辣，所以餐牌上所有嘢都想食，最后点左个黄金皮蛋、麻辣猪大肠面。上餐时间都算快，皮蛋颜色好金黄，好爽、甜，配上麻辣汁，好味。猪大肠面，面质好弹牙，口感好好，有种手拉兰州拉面既感觉。配上麻辣汤系坚好味，而且辣度刚刚好。猪大肠都算好味，但比起啲车仔面档嘅大肠，略嫌浸得未够火候。最后老细见我食到成身汗，送咗碗甜品比我解下辣。临走见到有个肥佬叫左碗麻辣猪手面，啲猪手样貌身材都好吸晴，应该好好味，下次试完再写。
继续阅读
得唔闲就会想食辣野，依家又正值封关时期冇得上深圳广州食。上网search下见到有呢间食四川辣觉得几吸引，又几高评分，咁同女朋友揸车去食下。入到去见冇乜人，谂住系闲日所以生意差啲，就照坐低叫野食。叫左个麻辣狂牛同麻辣飞猪，我地都算可以食得少少辣所以叫中辣试下，加多杯冻野饮降凉。结果都算几失望，除左辣味之外其实都食唔出其他味道⋯⋯系啲猪大肠叫好少少，其余嘅𩠌同个面都食唔出咩味。价钱尚可接受，但最多啱做街坊生意，并唔值得专登过去食。或者求其附近食碗谭仔米线会合理好多。食完嘅感觉就系: 冇下次。
继续阅读