影片
更多
2013-12-18
1606 浏览
已經是第三次幫襯了, 每次既食物都能維持水準. 佢地中午有SET LUNCH, 一湯三餸包甜品同飯, 每人100加1, 價錢個人覺得其實都OK. 先來一碗湯, 叫雞豆花, 雞湯味濃, 有少少雞肉碎有趙口, 入面既娃娃菜煮淋咗又好鮮甜, 天氣凍凍地一飲即刻暖哂 再來一個冷盤痳辣豬肚, 唔太辣 (我係傷心酸辣粉食小辣既人), , 豬肚好入味又帶少少煙韌, 薄薄一片, 口感有少少像熏蹄, 食到好香既五花八角蒜蓉味, 食多幾塊, 辣味由口腔慢慢滲出, 開始有少少痳辣既感覺, 味道很有層次!跟住上水煮牛肉, 見到佢滿滿一窩咁多辣椒有少少淆底, 但食落個味同個痳辣豬肚一樣咁有層次, 因為係熱菜既關係好暖胃, 但味道更惹味, 牛肉煮得剛好, 有少少紅, 唔太薄片, 少少煙韌得來帶痳辣香亦不失牛味! D汁用來撈飯好香!再來一個醋炒土豆絲, 帶少少醋酸味, 土豆絲爽口, 唔辣, 但相比起上面兩個餸就無咁濃味最後來一個冰涷既雪耳豆腐花, 豆腐花好滑同好香豆味, 雪耳都幾大塊, 唔算太甜, 但就中和番個味覺, 為整餐飯做個完滿既終結~ 會再來啊~~
先來一碗湯, 叫雞豆花, 雞湯味濃, 有少少雞肉碎有趙口, 入面既娃娃菜煮淋咗又好鮮甜, 天氣凍凍地一飲即刻暖哂
再來一個冷盤痳辣豬肚, 唔太辣 (我係傷心酸辣粉食小辣既人), , 豬肚好入味又帶少少煙韌, 薄薄一片, 口感有少少像熏蹄, 食到好香既五花八角蒜蓉味, 食多幾塊, 辣味由口腔慢慢滲出, 開始有少少痳辣既感覺, 味道很有層次!
跟住上水煮牛肉, 見到佢滿滿一窩咁多辣椒有少少淆底, 但食落個味同個痳辣豬肚一樣咁有層次, 因為係熱菜既關係好暖胃, 但味道更惹味, 牛肉煮得剛好, 有少少紅, 唔太薄片, 少少煙韌得來帶痳辣香亦不失牛味! D汁用來撈飯好香!
再來一個醋炒土豆絲, 帶少少醋酸味, 土豆絲爽口, 唔辣, 但相比起上面兩個餸就無咁濃味
最後來一個冰涷既雪耳豆腐花, 豆腐花好滑同好香豆味, 雪耳都幾大塊, 唔算太甜, 但就中和番個味覺, 為整餐飯做個完滿既終結~
會再來啊~~
张贴
