影片
港铁香港站 C 出口, 步行约8分钟
继续阅读
开饭介绍
正宗四川菜餐馆，私房菜形式经营，店内挂着油画由店主亲笔所画。
继续阅读
附加资料
正宗四川菜餐馆,私房菜形式经营,店内挂着油画由店主亲笔所画。
营业时间
星期一至六
11:30 - 22:00
星期日
全日休息
公众假期
11:30 - 22:00
公众假期前夕
11:30 - 22:00
以上资料只供参考，请与餐厅确认详情
Heard about 大平伙before, first time to try this restaurant. Order spicy chicken 辣子鸡 and shared with a friend. Cost $200, but the portion is not enough for two, we only treat it as a 开胃菜😂😂😂but the chicken texture is soft and juicy inside, not super spicy, quite acceptable!
继续阅读
同好耐无见嘅朋友相约于中环，同样对食十分爱好嘅佢就带我地一齐去左呢间川菜馆结合埋艺术元素，平实得嚟有格调～系几有特色嘅！虽然好似加入左西方画廊嘅感觉，但食物同一枱一木都相当传统。枱面仲有餐厅及枱凳嘅介绍，好奇嘅我等上菜时不忘睇一睇。豪气嘅朋友一坐底见到餐厅有供应女儿红，即刻兴致勃勃有酒意，就叫侍应帮我地热一壶小酌一番。热饮再加上侍应贴心为我地预备嘅话梅，饮落好顺喉，好香醇！朋友话畅饮点可以唔配美食，就点左多款特色嘅川菜，入面唔少得口水系列～呢款蓉城口水鸡去左骨食落好方便，鸡肉颇滑，配埋口水汁辣辣地好快比我地清晒！冷盘中蒜泥白肉就深得我心啦，白肉卷住青瓜食落带点清爽，再蘸上蒜末嘅酱汁一口塞好满足！之后就到海鲜嘅部分，我个人都好钟意辣味同海鲜结合，觉得会提鲜同埋过瘾啲，而呢度其中嘅招牌就系酸菜桂花鱼，辣度有别于麻辣，系偏向温和嘅，鱼肉好嫩加上大量配菜，好多料～唔辣嘅话我就钟意豉汁虾球，豉汁炒过特别香～虾肉好爽弹新鲜，食落好饱嘴！特别啲有茶香排骨，睇到除左辣椒干之外仲有茶叶伴炒过，而排骨干身得嚟咬到入面又锁到少少肉汁确系不错，系送酒之选！甜品系第二个胃，忍不住点左每人一碗桂花酒酿丸子。糖水底带少少稠，桂花同酒香好平衡，丸子仲内藏澎湃嘅芝麻馅～
继续阅读
来到中上环不止西餐多，还有一啲较有特式嘅中餐厅都系不错选择，这间主打四川菜餐厅环境好有艺术感，除墙上画作外，仲有一些旧香港物品食川菜饮女儿红都不错，经热水壶助热了，暖饮较顺滑易入口先来个冷盘蒜泥白肉当小食，白肉较厚身再卷上青瓜，白肉伴上香辣川式汁酱好惹味，又有青瓜清新～土豆丝用上青红椒去炒，清新微微爽口本身好钟意食酸菜鱼，呢到仲要系必点招牌菜嚟，汤底同平时食开无咁油，汤奶白色好香喷喷，饮落鲜甜微酸，鱼肉超级嫩滑，真系要必试呢个另一菜系豉椒炒虾球，大虾超新鲜啖啖肉好爽口弹牙，夹埋个豉椒去爆炒好惹味高丽菜即系椰菜，用咗川式去炒，香辣惹味又脆身最后甜品系桂花酒酿丸子，再配埋芝麻汤圆㗎，清新桂花香又有酒酿香，唔错喔
继续阅读
好友约食饭提议既中环川菜, 有点意外系中环SOHO区竟然有间咁中式既中菜。「四川菜大平伙」系苏豪食肆核心中央, 拜访前先要通过斜路试炼先可以一尝辣风🔥 餐厅入口都系斜路上, 招牌唔太突出, 今日唔系特登过黎可能都会MISS 咗。12点左右黎到, 餐厅内部都未有人, 而且仲有少许装修味, 原来系刚刚搬过黎无耐🆕 内部有两张大圆枱, 同几张方枱, 合计坐到40人左右。灯光系室外阳光对比下比较暗, 呢个亦系斜路舖既缺失❌作为艺术私房菜馆, 室内既布置有番咁上下, 一面墙身上有一排长画, 讲紧香港电影故事。另一面有几张华人男女亲密主题既挂画, 切合番中菜主题。枱櫈方面较简单, 都系四方木櫈加咕咰, 净色枱布✔️餐具亦系白色瓷碗碟。做得艺术私房菜, 其实不妨玩得大胆啲😋中餐菜牌散叫多样, 留意川菜特色系「辣」🌶 好多道菜都有只辣椒样系隔离。另外亦有套餐, 一个汤羹加个菜同白饭。留意, 茶水饮品系要额外计钱💵 汤系鸡茸粟米羮, 入口有点过咸, 唯一好处系佢唔系辣❌麻婆豆腐红白色上枱, 🍲不过灯光昏暗下影唔出佢色彩。肉碎稍嫌少咗啲, 而辣味个浓度对我啱啱好, 入口之后既麻味发出黎, 啲汗线开启咗✔️回锅肉个辣度又提升一个层级, 可能因菜去吸到辣汁, 啲汗开始系额头渗出黎✔️后加既清炒莴笋丝终于唔系红色, 可以比条脷同个胃小休一下👌然而, 宫保鸡丁, 系一大盘辣椒中穿插住炸鸡柳粒, 睇样好似好惊吓, 但咬落唔太辣👌两个人中午饭, 四道菜, 差唔多700蚊。就算系中环都有啲OVERPRICE, 当然都系叫左太多嘢同两枝冰水❄ 论味道, 唔算食得好辣既我, 觉得辣味啱啱好, 但就仅此而以🙄揾唔到佢味道上既突出👌 环境系几舒适, 但进步位有好多, 可能会比较适合夜晚私窦食饭形式。
继续阅读
是夜公司招待了从国内来港的客人一同晚膳，特意找来了四川菜大平伙。这家接近Soho的四川菜，原来大有名堂，而且也有10多年历史。 它是结合艺术的一家餐厅，内里的一台一櫈一画，都是艺术品，一来作装饰，也可以给人买回去。 待客之道怎能没有酒，所以甫坐下，先开了一瓶女儿红。我们以热饮品尝这瓶绍兴女儿红。侍应为我们把酒座热，加入话梅，令酒入口更香更纯。 先来的青椒土豆丝，颜色淡黄，一丝丝也均匀有致，加了红椒青椒丝，画龙点精。 蒜泥白肉和平常吃到的不一样，它的做法是把白肉卷着青瓜来吃，再沾上特制的辣椒酱将，令每件入口都有有满满的辣油香，好食！ 蓉城口水鸡肉十分嫩滑，上枱时已去骨，方便入口。它的辣椒酱和蒜泥白肉的是一样的，虽然辣椒酱看似红火火一片铺面，然而辣度不重，入口只是刺激味蕾的微辣且带芝麻香。 豉椒虾球这做法十分港式，很有镬气，重点是虾球肥大爽脆，脆得令人惊喜。 酸菜桂花鱼据闻是这里的招牌菜。单看样子比平常见到的平实。然而入口却不平凡。汤底微酸，桂花鱼滑得令人惊奇，汤没一点辣油也没有，每啖都能食出鱼的鲜味。 茶香排骨是满满的干炒红辣椒和茶叶铺面，辣椒粒粒干身，排骨腌得入味，而且尽吸辣椒香和茶香。食入口一点都不辣，但却是满满的镬气。用来送女儿红，十分搭配。 甜品的桂花酒酿丸子软糯可口，汤丸是芝麻馅的，有淡淡桂花香。食完一轮重口味食物以它去清味蕾，为口腔带来一阵清新香甜。 这里的食物和餐厅格局一样是平实不奢华的，但味道和环境却令人有亲切地道的四川感觉。它是凭其实力在中环屹立了这么多年。
继续阅读