冒喜 (蕪湖街)

营业中

休息中

我叫咗一個54蚊嘅吉祥套餐，佢可以揀六個餸，同一個湯底，另外只要加$5就可以有一個主食。個人覺得都性價比都OK，餸裏便我特別推介佢嘅潮汕牛肉丸同蒜香墨魚丸，兩個都非常之彈牙好食，而佢嘅牛肉丸裏面仲好多汁添！佢另外仲有個貴州丁家脆哨，佢係食落脆卜卜，幾得意。另外個人都好鍾意佢嘅滑牛肉，因為非常之嫩滑。我就叫咗個重慶酸辣湯底，再配搭佢嘅湯底酸酸辣辣，非常之開胃，但係佢一上嚟嘅時候實在太熱啦，建議大家攤凍少少先再食😂我哋仲嗌咗個小食，包括土豆絲同埋魚皮，魚皮非常之彈牙爽口，而佢嘅土豆絲好入味。另外我都推薦飲吓佢嘅特飲，佢嘅蘋果特飲幾好飲。