影片
更多
2023-02-26
67 浏览
而家天氣乍暖還寒，最啱就係打邊爐。聽朋友推介尖沙咀呢間牛駅麻辣火鍋放題，就尼試下。好近尖沙咀地鐵站，好易搵。晚市有三個套餐，我哋朋友就試左中價位$288嘅套餐，主打美國特級肩胛肉眼片。湯底都有好成7，8款揀，而且可以揀鴛鴦湯底。我同朋友就揀咗招牌麻辣湯底（小辣）同胡椒豬肚湯底。麻辣湯底真係唔講得笑，好濃好惹味！而胡椒豬肚湯淆得好入味，值得推介。肉類同海鮮類都可以用QR code無限次落單，食到你滿足。最鍾意肩胛肉眼片，即使係麻辣湯底，都食得出牛味，而且肉片爽口，證明好新鮮。另一強力推介係五花片，好好味！我哋仲好鍾意食手打蝦滑同墨魚滑。特別係蝦滑，入面食得出粒粒蝦肉，煮熟之後好彈牙！而花甲，海蝦，連花膠魚肚都有得點！除咗一般火鍋放題見到嘅食物，呢度仲新推出咗泡椒魚片同埋三色芋圓，選擇夠哂多樣化！而令我哋最驚奇嘅係，除咗少見嘅清酒，呢到竟然有珍珠奶茶提供！而且一杯嘅份量都唔少。咁特別果然好快就無哂refill 唔切，有興趣真係要提早一入去就拎定！甜品亦都一樣選擇眾多！有揼本嘅Häagen-Dazs雪糕，綠茶味軟雪糕，甜筒，乳酪，牛奶布丁，軟糖區⋯呢度食物選擇多樣化，好乾淨，通風做得好好！而
晚市有三個套餐，我哋朋友就試左中價位$288嘅套餐，主打美國特級肩胛肉眼片。湯底都有好成7，8款揀，而且可以揀鴛鴦湯底。我同朋友就揀咗招牌麻辣湯底（小辣）同胡椒豬肚湯底。麻辣湯底真係唔講得笑，好濃好惹味！而胡椒豬肚湯淆得好入味，值得推介。
肉類同海鮮類都可以用QR code無限次落單，食到你滿足。最鍾意肩胛肉眼片，即使係麻辣湯底，都食得出牛味，而且肉片爽口，證明好新鮮。另一強力推介係五花片，好好味！
我哋仲好鍾意食手打蝦滑同墨魚滑。特別係蝦滑，入面食得出粒粒蝦肉，煮熟之後好彈牙！而花甲，海蝦，連花膠魚肚都有得點！
除咗一般火鍋放題見到嘅食物，呢度仲新推出咗泡椒魚片同埋三色芋圓，選擇夠哂多樣化！而令我哋最驚奇嘅係，除咗少見嘅清酒，呢到竟然有珍珠奶茶提供！而且一杯嘅份量都唔少。咁特別果然好快就無哂refill 唔切，有興趣真係要提早一入去就拎定！
甜品亦都一樣選擇眾多！有揼本嘅Häagen-Dazs雪糕，綠茶味軟雪糕，甜筒，乳酪，牛奶布丁，軟糖區⋯
呢度食物選擇多樣化，好乾淨，通風做得好好！而且上菜，清碟速度都好快，食得好舒服好爽。性價比好高！
张贴
