蜀大俠 (已結業)

兩個月前，打幾次去蜀大俠book枱都Full Booking. 今次決心打多次，終於成功Book到。可能我地今次book 6:30冇咩人咁早食晚飯！成間餐廳好有中國風味，環境幾好，坐得舒服。不過一打開門，就俾啲辣椒味攻到係咁打乞嗤。我同朋友唔係啲hard core麻辣友，所以叫咗個紅白鴛鴦湯底，微辣。麻辣湯底我覺得同另一間出名嘅麻辣火鍋店差唔多，都香，啲辣係慢慢咁滲出嚟，唔錯。但係個白色湯底出咗事，雞粉湯咁，雞粉味好重，啲紅棗好似係裝飾咁無味嘅。 我地叫咗手切肥牛，蔬菜拼盤，千花骨，韭菜餃同手工麵。每樣食物質素都好好，值得推介。花千骨: 滾咗15分鐘，肉質都仲係好嫩。本身係腌製咗嘅肉，好大陣孜然味，喺麻辣火鍋裏面煮咗咁耐都冇蓋過佢本身嘅味！勁蔬菜拼盤: 蓮藕喺麻辣湯到滾最正！另外必叫手切肥牛：厚度岩岩好，滾一分鐘上黎，好嫩滑，好香牛味！手工麵: 好彈牙，口感好好！我地放晒落麻辣湯底嗰邊，開頭一兩啖都冇咩野，越食越辣！食得好爽！我覺得蜀大俠最出色嘅係佢個麻油，好香！加埋啲蒜蓉、芫荽、蔥 、豉油、蠔油同埋醋真係令本身嘅食物再錦上添花！