渝痴漁醉

营业中

休息中

今天同朋友去完銅鑼灣行街，去到金百利廣埸見到有間類似食麻辣的鋪頭有晚市特價套餐優惠就去試下。水煮二人套餐推廣價$328，望落都好似好抵食。鋪頭名叫 ''渝痴漁醉'' 好似有特别意思一入到鋪頭完全感覺到吃麻辣的風味，地方又十分寬趟，可以坐底慢慢嘆。餐牌數十款菜式任君選擇鋪頭名話明叫 ''渝痴漁醉'' 梗係要食魚喇！叫左 ''水煮二人套餐''($328)，包括有水煮味魚片、渝香脆猪手、渝北涼粉、絲苗白飯兩碗、兩杯指定飲品、兩個水果桂花冰粉等等。附送兩款小食，包括紅莓乾酸酸甜甜幾好味，蠶豆乾麻辣得嚟甜甜地幾特别。渝北涼粉好幼滑，大大碟配料十足，辣辣地味道唔錯。主角水煮味魚片，超大份，魚片好嫩滑，連配料芽菜也好好味。渝香脆猪手不太辣，勁大嚿。猪皮好香脆，肉質爽口彈牙。夫妻肺片($62)，又麻又辣我鐘意，送啤酒一流。青島啤酒每罐($23)，食辣又點可以唔飲酒。可樂跟餐每罐($5)跟餐附送水果桂花冰粉兩碗，略為彈牙的桂花冰粉配上細細粒西瓜甜甜地味道唔錯。