湄南 (已結業)

一向鐘意食的我，一直都希望屋企附近可以美食遍天下。落街行不知不覺間行到pop walk，順便睇下新開左咩店鋪，在地下轉角位就被我無意中發現有間東南亞的餐廳，而且仲有生牛肉湯河食，真係流哂口水。難得有時間而且將軍澳有新食肆當然要試試佢，平日的下午茶時間，不用等位。店內環境乾淨。每張餐桌都擺了了是拉差椒醬、一支水、撈檬汁（唔知點形容好）、碟子亦充滿了風情及民族色彩。隨生牛肉湯河附上的小蝶有小量辣椒及青檬。薄薄的粉嫩牛肉片、配上熱湯牛肉好快熟透了。河粉口感爽滑、配上香葉 洋蔥 乾蔥 蔥花， 但覺得湯底未見突出。跟餐的咸檸七加$12見到餐牌美食種類繁多，混合了泰國越南美食，一間餐廳可以滿足你多個願望。