影片
相关文章
之前做团购用$68买$100 coupon，见咁抵就买几张叫埋屋企人一齐黎食~呢间餐厅系区内都算少人，我地7点去到都系得几台客，可以静静地倾计用餐又唔驶俾人催交台食到赶头赶命~我地叫左酸辣凤爪、咖哩鸡配酥饼、蒜蓉包、火车头、炒贵刁同煎蛋芋头粒海鲜炒饭4个人share。1)酸辣凤爪妈咪既指定菜式~份量中等唔算多，凤爪质地爽口，呢日天气热，食d凉拌野几清新开胃。但妈咪comment表示酸辣汁稍微酸左d2)咖哩鸡配酥饼、蒜蓉包咖哩鸡可配饭或酥饼，因为我地已叫左个炒饭所以就叫左酥饼。一客两块，上台时微暖，蘸上咖哩汁又系可口饱肚既小食。不过主角咖哩鸡俾既份量略嫌姑寒左d，只系得4,5旧细鸡肉，味道唔错，鸡唔鞋口但如果加大番份量就更好!因为得两块酥饼而又净番好多咖哩汁所以就叫多3个蒜蓉包黎配~估唔到蒜蓉包先系今餐之最~焗得刚好脆口，蒜蓉味好香而且够哂热，无论就咁食定配咖哩汁食都好好食!3)煎蛋芋头粒海鲜炒饭煎蛋做到蛋白层焦脆，蛋黄流心既效果。海鲜就只有少少炸鱼同蟹柳，芋头粒亦炒得过火没有了粉粉的口感!而且成个饭好油，下次都系叫原个菠萝炒饭好似吸引d!4)炒贵刁炒贵刁入面既配料有蛋、虾仲有少少肉片，上面加左d花生碎，食落都好香，整体炒得香口但可惜d虾完全淡而无味，只胜在爽口。5)火车头最后既火车头挽回一d分数，汤底浓郁，配料有生牛肉牛腩同牛丸。牛肉牛腩都好林唔会煮得过熟而好un。金边粉底索哂d汤汁连埋生牛肉一齐食味道唔错。用左300蚊coupon要再补多70几蚊，如果有团购价钱既话系几抵食既!但原价既话就有d贵了。
继续阅读
今日又尼左食越南餐厅，近住屋企就来试试。海南鸡饭配两个酱汁一个系姜汁酱 一个酸辣酱 除左个油饭好味，其他都普普通通。$56香茅猪扒汤河十分清淡，尼既时候都差唔多索哂水。$36酸辣凤爪得个酸字，麻麻地惹味。$28 /4只即磨咖啡系下午茶送既其中一款热饮，咖啡几滑。服务态度还好，下午茶时段唔算多人，七成满座。岩岩漏单。
继续阅读
老公休息的日子，好想行下将军澳海旁，看海的日子😎原来都好耐无行这么远路程了，天气很好说说笑笑便到了将军澳唐俊街付近，于是食埋午饭先回家，这儿都有好几间食肆店舖 ，我们便选了湄南这间越南菜 饭店， 地方也算宽敞 ，更有啲越南嘅墙壁海报添，女侍应生笑容满面招呼我们 ，于是便选了两个午餐。 门口好光猛越式番茄牛腩焗饭$60牛腩好淋 焗饭竟然可以这样配搭越式虾饼扎肉$54配金边粉沙嗲汤底个汤好正好入味，金边粉好多又大碗 终于叫侍应生比多碗汤我 再放啲粉落去 畀老公食 好抵 墙壁 好大福越南画咖啡柠檬茶 就一般
继续阅读
湄南下午茶将军澳，原来系好多选择，连锁店真系真系多到数都数唔晒， 一条巷仔可以有几间，食物连锁店，咁我哋行到呢一间湄南越南菜馆，就可以食个下午饭 ，好简单㗎!呢间就系因为唔使攞，唔使去排队，有人送餐到面前，隔离大机构都要排下队，仲要买一次。攞餐一次，排两次添重要畀钱先。 真系唔做啲快餐文化。返嚟讲返我都系照返个焗咖哩牛腩蕃茄饭 ，朋友叫咗个 扎肉虾饼檬金边粉 ，食落真系唔错 ，起码只系食咗啲好食嘅嘢，食物味道你话好出色，咁就唔系啦!话佢错佢又冇乜点错!已经系应该有嘅标准，咖啡奶茶就呢度偏偏，有咖啡冇奶茶， 加片柠檬嘅茶又有㖞，咖啡要加柠檬佢又唔畀你㖞，饮下午茶食完咁就算啦!
继续阅读
之前听过呢度嘅菠萝炒饭几好食，于是谂住今晚去试吓，去到门口见到套餐都唔算抵食，但一心为咗菠萝炒饭而来，于是到入去试吓。我们叫了一个菠萝海鲜炒饭，同埋一个香芒米纸卷。海鲜菠萝炒饭用菠萝壳承载着，分惊面头铺满了之时,但食落欠缺芝士味,海鲜数量一半，饭嘅数量算适中，但唔算大碟。至于香芒米纸卷，米纸皮烟韧，材料算丰富，加入香芒令整碟菜感觉清新，但我认为鸡肉数量可多一点，否则只吃到菜的味道。整体来说，餐厅环境比较清静，而且装修漂亮，也算吸引。菜式价钱我认为可以调低一点，不过星期一至五用银联卡付款有九折，而且唔收加一，都可值得一试。🤔
继续阅读