Asobu Bistro (已結業)

紅磡小巷一向有好多特色小店，今日同朋友睇完葉問3，一於去附近食埋個飯先閃~店舖不算大，早起的鳥兒有飯吃，遲一步都要等位，店員推介熔岩蛋，好，就試下~日式沙律，薯角同蜜糖雞翼都可以。沙律配麻醬幾醒胃，不過份量就不多。個主菜就真係幾正，望落平平無奇，碰一碰，即刻火山爆發，d蛋漿標哂出黎，真係好似熔岩咁，蛋漿勁滑勁香，配上日式燒汁鰻魚，鰻魚味又香又濃，魚身又滑，超正！比起之前去過間出名食蛋既茶記，有過之而無不及~ 另外仲有呢杯檸檬柚子特飲，酸酸地帶有柚子的甘甜味，飲落好清新。呢間小店令人充滿驚喜，絕對值得一試。