麵尊

营业中

休息中

等左25分鐘，終於有得食。我冇叫到大尊小尊，單點左牛腩，豬紅，翼尖，幼麵加咖哩辣。坦白講，餸幾出色。豬紅入味又爽滑，沒有絲毫豬燥味。牛腩一片片似牛肉片，但食落鬆化入味。翼尖正常，但榮記始終略勝一籌。份量都足料。咖哩辣好香濃，無投訴。問題出在個麵上。幼麵太幼身同腍，好大綑😣，同湯的比例唔平衡。好的車仔麵，是要料，麵同湯份量恰到好處，不是足料大份就一定好，最理想是每一啖麵都有一啖餸，不會是但一方搶風頭，食到尾麵唔會泡到軟晒，湯不會吸晒，湯仲係冒煙的。今次餸多，麵太多，湯唔太夠，熱度保持唔到，有點令人失望。希望麵尊回歸本尊，搞好車仔麵的基本功。