麵尊

講到車仔麵小編頭三位一定有呢間之前起上環工作咗五年仲要公司起麵尊附近所以好多時都會去排隊食難得今日放假有事經開呢頭剛好又未食晏就一於去食個early dinner好彩仲有半個鐘佢先收舖小編每次必點嘅配料就係牛腩原本想食咖喱魷魚不過賣晒所以另一個餸揀咗冬菇講返個牛腩先佢個牛腩唔肥炆到勁入味又唔硬蠔油冬菇厚肉又係好入味粗麵軟硬度適中最正嘅就係佢嘅咖喱醬同麻辣醬真係車仔麵嘅精髓仲要加埋腩汁同蔥就perfect 😋好好味呀！…查看更多

小編今日來到上環人氣車仔麵店「麵尊」，長期排長龍的人氣熱店，車仔麵配料如豬紅、豬大腸、魚蛋、蘿蔔等招牌餸菜，更有連酸齋、美味齋、豬頸肉、滷水鴨腎、咖喱魷魚、咖哩牛柏葉等🧡 可選加咖喱汁、麻辣汁、腩汁或蔥，更可加額外加湯，多款吃法任你決定，極力推介的港式經典車仔麵🍜 招牌「大尊」湯底充滿腩汁香味，味道偏濃，入口濃郁卻不油膩麵條選了經典的幼麵，細滑的麵身完美掛湯，每一口都能嚐到湯底的精華🧡 配料包括豬紅、蘿蔔、咖哩魚蛋、紅腸、豬皮和生菜，豬紅味道香濃而不臊，滑嫩得像豆腐花一樣👏🏼 蘿蔔燜煮得通透，清甜沒有苦澀味，咖哩魚蛋彈牙有嚼勁，紅腸夠惹味，豬皮吸滿湯汁，爽滑可口，另加$14配料咖喱魷魚🦑 咖喱醬微辣中帶著甜香，魷魚彈牙不韌，大推的車仔麵的黃金組合🙌🏻 🍽 ：大尊（ 另+ 咖喱魷魚）👅好味指數：8.5/10💰消費：HK$66（大尊$52 + 咖喱魷魚$14） 📍 地址：麵尊 (上環)上環蘇杭街22-24號地下21號舖 …查看更多

又到Lunch ，近近地外賣麵尊，呢間不論堂食定外賣都好多人，準時即閃落去買返公司食。餐牌，每人最抵消費$40(基本上一定過)，極速睇食咩即落單，等大約10分鐘到先有拎。等待中。 酸齋五香牛腩雞中翼幼麵配腩汁，$44，外賣要+$3，份量適中，腩汁湯底濃郁，幼麵爽彈，酸齋口感煙韌，味道酸酸甜甜，牛腩軟腍，但鬆散同冇乜牛味，雞中翼有2隻，肉質滑但唔算好入味。食物味道正常水準，都係午餐之選，但等候時間係耐點。…查看更多

我哋下晝去食人龍都幾多，不過好彩好快都排到，價錢唔算太平，不過佢都幾多人排隊都算係呢一區嘅人氣車仔麵！🥢豬大腸，非常入味，份量亦都幾多我哋都非常鍾意食佢嘅味道係滷水豬大腸嘅味道！🥢牛腩都做得唔錯，炆得幾香！🥢蘿蔔就做得非常入味🥢面嘅份量都幾多，我哋加咗底，因為太肚餓，呢個份量嚟講都算抵食！🥢豬皮，亦都非常爽身，份量都俾得唔少！可惜今日豬紅賣晒！下次會再返嚟幫襯非常推介佢嘅自家製辣醬，加埋落車仔麵非常好食！…查看更多

平時下午茶喺中環無劃乜選擇所以咁岩喺上環做野但又想食車仔麵揀左麵尊 其實都已經食左幾次今次揀左豬大腸、豬紅、酸齋跟油麵底，另外加咗麻辣，麵尊嘅湯底都好濃郁，而且個麻辣醬，非常之惹味。佢嘅豬大腸唔會好肥，另外豬紅煮得好淋，豬紅入晒味，而且酸齋個酸味調得啱啱好，總結嚟講，喺下午茶都係一個幾好嘅選擇。…查看更多

呢間上環店係麵尊總店，每到中午都大排長龍，很多人過來買外賣和堂食，以車仔麵嚟講，佢算係中上環最出色嘅車仔麵！每當想食車仔麵，都會嚟呢間舖頭食。佢嘅餸菜包羅萬有，我就每次都會食豬頸肉同雞翼，當然仲有酸齋啦！酸齋唔係間間舖頭都有，呢間既都做得唔錯！而且佢嘅豬頸肉同埋雞翼都好入味，都相當好食！至於湯底，佢都有兩三種選擇，我就次次都會要咖喱加腩汁！其實佢嘅麻辣都唔錯！次次食完成身大汗，加埋支汽水！就係一個好開心嘅午餐！不過我覺得佢真係落咗好多味精，食完次次都會好口乾！冇辦法啦！…查看更多

好多朋友推介來這裏食麵，雖然天降大雨也不能阻擋門口排隊的人龍，我點了咖哩魷魚、咖哩牛柏葉、滷水鴨腎、豬紅，河粉，麻辣+蔥 ，份量好多、湯底濃郁，這四個餸都是我的最愛😍味道超級讚～ 朋友點了蘿蔔、咖哩魷魚、咖哩牛柏葉、滷水鴨腎，幼麵搭配咖喱醬，特別濃的咖哩味道😋他每次吃都會點這幾款😋💓👏🏻下次絕對可以再來，性價比高👍🏻 麻辣醬和咖哩醬記得選擇辣度，普通超辣🥵 我可能只可以BB辣，最好帶埋紙巾🤣…查看更多

麵尊車仔麵lunch時間都好多打工仔嚟食，今次叫左3️⃣餸車仔麵🍜酸齋▶️味道普通，得2件仔豬大腸▶️滷得入味，冇異味豬頸肉▶️豬頸肉切得勁薄，滷得好淋3款餸唔係特別出色個隻。咖喱辣，都幾惹味。但大熱天時要喺門口排隊，寫定紙仔，坐低就即刻有麵食，店員效率甚高，食完即刻起身，但坐得好迫唔舒適。…查看更多

唔知係咪因為揀得唔好首先覺得蘿蔔 好硬 完全唔腍然後等咗碗麵大概有20分鐘試過其他分店覺得真係上環呢間分店係比較難食冬菇唔入味唔好食唯一可以一讚的就是好多蔥如果等外賣 仲等得更加耐所以相信下次真係會再試…查看更多

麵尊在銅鑼灣的分店, 可以說是人潮如湧, 而且人流比開張時更誇張, 可說是愈戰愈勇. 上環店沒有銅鑼灣店般裝修時尚, 也沒有如霓虹光管及高吧枱的擺設, 就是很基本的麵店裝修, 圓枱圓椅, 功能性為主. 菜式選擇兩家店也是大同小異, 最吸引我的是其辣醬, 不是麻辣的川味, 而是炒得很香, 純粹香辣口味的傳統風味, 深得我心. 豬頸肉的爽和嫩也比大部份車仔麵店, 甚至是泰菜店的燒豬頸肉來得出色. 其他如豬大腸和豬皮也滷得入味, 煮得腍而不散, 米粉爽而不糊, 湯頭有辣香, 而滷香的鮮甜味, 不只是一般的醬溝煮麵水, 真心有誠意.The branch of Min Jun in Causeway Bay can be described as crowded with people, and the crowd is even more overwhelming than when it first opened. It can be said that it is getting stronger as the battle goes on. The Sheung Wan branch doesn’t have the fashionable decoration like the Causeway Bay branch, nor does it have the display of neon lights and high bar counters. It has a basic noodle shop decoration, with round tables and chairs, focusing on functionality. The menu selection is similar between the two branches. What attracts me the most is their spicy sauce. It‘s not the numbing and spicy Sichuan flavor, but a purely fragrant and spicy traditional flavor, which really appeals to me. The pork neck meat is tender and juicy, even better than most cart noodle shops or Thai restaurants’ roasted pork neck meat. Other ingredients such as pork intestines and pork skin are braised to perfection, cooked until tender but not falling apart, and the rice noodles are smooth without being mushy. The broth has a spicy aroma and the braised flavor is both fresh and sweet. It‘s not just an ordinary sauce poured over cooked noodles; it is sincerely made with dedication.…查看更多

名過於實，大家嘅意見都有少少高舉，真係希望愈大失望越大😑😑蘿蔔完全冇味，好似係清水白烚完放入碗面到。🙁🙁豬紅都係一樣，完全冇後加工🥲🥲大腸係好食嘅，好淋，亦都食得出有煮過下👍🏻湯底，都係濃嘅，因為加左腩汁但麻辣醬就一般，唔麻亦唔辣…總結：冇乜特別，有選擇嘅時候都唔會再點頭！…查看更多

my comfort food🥺🥺最近生活真係好繁忙，枯燥乏味😞今日忙完一大輪去到上環附近，就梗係要去麵尊朝聖啦🫶🏻一如以往，蘿蔔冬菇豬頸肉最佳配搭👅加埋多麻辣多咖喱🔥我簡直係感動到想哭🥲蘿蔔勁大粒又無渣、冬菇又好入味、豬頸肉又唔韌🤩最重要係價錢貼地，完全冇得挑剔😚我會無限encoreeee!!!麵底$10，（伊麵、公仔麵+$5）餸$10/$12價錢合理經濟👍🏻見到有好多人買外賣👏🏻…查看更多

在上環附近 依間麵尊車仔麵真係十分不錯 中午食飯時段同同事去排左15分鐘 入到鋪頭就即刻點左冬菇 蘿蔔 雞翼 牛腩 加個油麵 每個餸大約$8/$10 加埋麵底$60-$70 味道可以接受 大家可以去試試 算是不錯既車仔麵選擇👍…查看更多

每逢星期六送咗小朋友上興趣班，必定周圍搵嘢食。西營盤、上環，其實試過不少cafe、小店、冰室，都係獨愛上環麵尊。先講味道，相信不少人會比較上環與銅鑼灣分店。真係唔同！上環湯底味濃，唔係死硬咸；車仔餸常食有：雞翼、豬紅、大腸、冬菇、豬頸肉、牛腩，全部入味夠淋，質素穩定，未試過失望。另外，叫多蔥唔hea你，明白顧客需要，有圖；雖然我食唔到好辣，但麵尊個麻辣醬，真係無得頂，食過返唔到轉頭。再講服務，2位男士1位姐姐，位位好友善。其實好幾次都5點幾遲咗摸門釘，但今日我5pm前打電話去同佢哋講真係嚟緊，最後5.06pm先到都等埋我哋，要講聲sorry真係阻住你哋收工，但你哋3位仍然以禮相待，呢個年頭有你哋真係好難得，有味道+服務，香港飲食業有救～…查看更多

在上環工作的打工人平日裡不缺美食，這家車仔麵絕對是美食之一，成日見到店外大排長龍，生意十分紅火。所有車仔麵即叫即做，免不了等位時間，長則半小時，但好在味道值得。所有配菜就是普通的車仔麵，價格還算合理。湯底分為三種口味：腩汁、麻辣、咖哩，三種味道都不錯。麻辣口味偏辣，咖哩味道濃郁，腩汁比較偏鮮，都是很容易入口的。因為即叫即做，所以麵都是煮到恰到好處，配菜隨便選，都還不錯，尤其推薦咖哩滷味，十分有特色。…查看更多