影片
更多
2017-05-22
84 浏览
星期五晚梗係要同同事開心下！不過一般放題都限時限刻，個半鐘除左食野，完全吹唔到水今次經朋友介紹，揀左築地番本，超爽6點坐到11點半，一行十人都盡興而歸！我地兵分幾路出發，結果無一組準時順利到達，地點係有少少難搵，而且旺角仲有另一間分店，建議大家唔好好似我地甘憑感覺搵餐廳，Google 一下望望，應該就無問題啦！一、環境我地10個人坐係一張近廚房的大台，自成一角，大聲講大聲坐都唔會噪到人！加上近飲品、甜品自助櫃，岩曬我地十個吹水皇最重要！最重要！最重要！（重要的事情要講3次）座位寬落，唔似某間放題8人台逼12人，仲要同後面台背脊貼背脊，岩曬我這種肥妹，大動作自在吃喝二、食物食物種類略嫌少左啲，但有磯燒、蒸氣海鮮，算幾特別！手卷：紫菜脆口，蟹籽滿滿，即叫即做，唔錯！蟹肉沙律：加左少少wasabi ，好清新前菜帶子裙邊：一般放題水平，送酒唔錯！火灸壽司：夠香，飯細細，一啖一舊！繼續壽司，配上唔同topping , 有新意，I'm loving it 卷物反而麻麻，無咩新意，兼飯又大大舊唔可以為我傻，凈係壽司其實唔知食左幾多盤刺身，夠甜夠新鮮，大滿足！燒牛脷：唔so , 仲要軟諗，下酒一流，全
我地兵分幾路出發，結果無一組準時順利到達，地點係有少少難搵，而且旺角仲有另一間分店，建議大家唔好好似我地甘憑感覺搵餐廳，Google 一下望望，應該就無問題啦！
一、環境
我地10個人坐係一張近廚房的大台，自成一角，大聲講大聲坐都唔會噪到人！加上近飲品、甜品自助櫃，岩曬我地十個吹水皇最重要！最重要！最重要！（重要的事情要講3次）座位寬落，唔似某間放題8人台逼12人，仲要同後面台背脊貼背脊，岩曬我這種肥妹，大動作自在吃喝
二、食物
食物種類略嫌少左啲，但有磯燒、蒸氣海鮮，算幾特別！
手卷：紫菜脆口，蟹籽滿滿，即叫即做，唔錯！
蟹肉沙律：加左少少wasabi ，好清新
前菜帶子裙邊：一般放題水平，送酒唔錯！
火灸壽司：夠香，飯細細，一啖一舊！
繼續壽司，配上唔同topping , 有新意，I'm loving it
卷物反而麻麻，無咩新意，兼飯又大大舊
唔可以為我傻，凈係壽司其實唔知食左幾多盤刺身，夠甜夠新鮮，大滿足！
燒牛脷：唔so , 仲要軟諗，下酒一流，全晚最愛
焗蠔：夠惹味，芝士足料，但1隻2隻止，有啲油膩！
燒菠蘿：推介！推介！食到飽飽，整兩舊菠蘿，可以再食1轉三、飲品
飲品櫃有近20款飲品，梗有1款岩你！
飲樽裝茶，又唔肥，又乾淨方便，我好似飲左4樽
落單有梅酒、清酒，同啤酒，啤酒係朝日正到呢！出面happy hour 飲都要30-40，全時段飲下酒，吹下水，咩本都回曬啦！
人蔘雞湯：另類推介，雖然唔係好好飲，但飲多兩杯之後，解解酒都唔錯！四、服務
一字既之曰：「正！」講兩件事，你就知我無吹水！
1）途中我地倒瀉野，有個侍應幫我地抹都乾乾淨淨，仲要比左一大疊紙巾我地，擔心我地整污糟左啲衫褲！仲唔止，痞低喺地下幫我地抹到四圍乾乾淨淨，怕我哋坐得唔舒服，你話甘嘅服務係咪冇得頂呢！
2）全晚放題無漏單已經抵讚，食食下經理過黎問我地，張單係唔係我地落，我地話唔係！佢話應該有人寫錯台號，佢怕客人無得食，逐張台問，貼心到呢！
五、其他
全時段，仲要飲飲食食甘多，當然關心廁所情況。廁所稍遠，需沒有酒店水平，但乾淨企利，多去唔怕
總體而言，值得再去，加一後$295/人，坐足5個半小時，回本無難度！大伙兒吹水hea 下首選！
张贴
