XOXO Café Lab (已結業)

今日晏晝系淘大商場行街，知道淘大商場都有好多美食，想搵間清靜的地方坐下吹下水，系三期搵到間XOXO Cafe Lab見到門口怖置好漂亮，餐廳又以粉藍色為主題，又有公仔擺設，燈光明亮，座位舒服。芒果海鮮比薩🍕，比薩餅底好薄批邊又好鬆脆，配料有芒果，蝦，魷魚圈，上面舖上芝士芝士味濃，仲有一層千島醬，食落酸酸甜甜好美味好香。芝士忌廉菠菜年糕，年糕好有咬口煙煙韌韌，又有雲吞皮薄餡又多，芝士忌廉汁濃厚又不會咸，味道適中。冰鴛鴦珍珠奶茶和冰茉香珍珠奶茶，茶味香濃珍珠又有咬口。