影片
小隐世台湾野食餐厅有小小fusion既，而且餐厅既装修都好舒服🤗💁🏽♀️士林炸鸡 HKD68炸鸡不错吃呀，而且仲有配奶酪蜂蜜薯片，份量都几够啦，最正既都系有6款酱拣，今次就拣左蒜香沙拉酱，非常好食😛蒜香系黑蒜香味，加埋炸鸡果种香气更重👍🏿💁🏽♀️铁板芝士烧牛肋骨 HKD128芝士份量好够呀，而且仲可以拉丝拉到尼个效果好夸张，不过好似好熟好固体咁，牛肋骨就好淋，系五成熟既程度，唔洗话好用力咁扯尼食🤤同埋仲有送薄饼可以就咁加埋d芝士食，最搞笑系成日一扯起块薄饼就烂左😂整体尼讲食物都几有质素，而且仲好有个2人餐有4款野食拣都只系228蚊咋，真系超抵食😛不过真系好饱好饱好饱，抵食之选🤩
继续阅读
和朋友庆祝生日拣选了这间环境不错的餐厅而且店名很吸引呢！整体而言，味道好吃！服务不错，值得推介！但座位距离近，有点迫！而且不近地铁站，行去九龙湾站要十至十五分钟！
继续阅读
上open rice咁多年 就算有难食嘅野 都觉得接受到因为我相信一分钱一分货呢个道理⋯ 但今次真系忍吾到😧叫左红烧排骨面 佢话冇排骨 转左牛肉⋯⋯一试⋯⋯⋯⋯⋯ 😧 哗! 似系港式牛腩河， 不过系冇味超级淡嘅牛腩河⋯ 个汤底我形容为有少少味嘅汤水😓炸鸡⋯ 冇乜特别，豪大大仲好食⋯个薯片 百街买一筒倒啲落去👍🏼呢个还好， 珍珠奶茶 冇乜特别， 系珍珠硬左啲⋯总括黎讲，我以后睇open rice 会睇劣评⋯⋯ 呢间野咁多好评 究竟点黎？
继续阅读
不停被熊大投诉最近9篇食评都无熊大份，乍哂型喇！系咪以为熊大消失左呢？熊妹唔系无同熊大饮饮食食，系熊大无带熊妹去食好西姐。所以今日由熊妹发板食熊妹想食的，今铺实有熊大份喇！食啲另类少少的fusion 台湾🇹🇼韩国🇰🇷菜。《XOXO Cafe Lab》2015年开，开张时曾风靡一时，当时人头涌涌都掀起一时热潮，所以熊妹都一直都想去试下架。今日拉熊大去一齐试试喇。七点去到，仲有好多张枱，不过有啲挂住「留座」牌的。熊大熊妹被安排到一张二人枱坐下。都几多款美食㖞，韩国菜🇰🇷有铁板芝士烧，年糕，蛋饼，比萨；台湾菜🇹🇼红烧牛肉面，饀饼，雪花冰，珍珠奶茶。仲有个呢度的招牌菜泡泡锅饭。咁多款拣，选择困难症的熊妹样样都想试啲，决定拣二人餐，咩都有啲。二人餐都几抵架，$228，有四款食物，ABCD入面各拣一款，有泡泡饭有小食有铁板芝士烧，仲包餐饮，真系咩都可以试匀哂。上菜次序好得意，由后居上。先上了BD款小食，B款熊妹点了七味烧烧鱿鱼筒🦑，D款选了墨西哥芒果鸡肉沙律卷🌯，可能份量不多，所以一并上。烧鱿鱼筒比想像中细件，一啲都唔觉有烧烤过的味道，似系白恰再洒上七味粉，点会咁架？鸡肉卷就正常味道，薄饼包起几粒鸡肉，芒果，沙律酱，系正常少少啰。跟住再上的系B款，熊大拣了铁板芝士牛仔骨烧🥘。又系比想像中有点距离，铁板好细，🐮牛仔骨都唔少，虽然系铁板烧著一层芝士层，但可能铁板唔够热，啲芝士根本好快就冻左变成一饼饼芝士，完全做唔到半溶芝士捞牛仔骨的铁板芝士烧味道，芝士饼还芝士饼食，牛仔骨还牛仔骨食，咁的食法有点架硬黎。牛仔骨味道还不错的，唔算太韧。最后先黎主食A款熊大选了招牌菜泡泡炮菜海鲜焗饭。哗，呢个饭真系令熊大熊妹大开眼界！先讲泡泡☁️，其实系焗蛋白，得闲无事聊聊会整下蛋糕的熊妹知道，蛋白打发起定型可以发到好高，好似白色泡泡咁，应该系因而定名泡泡锅饭，都系噱头野姐。讲返味道，蛋白泡泡完全无味的，蛋糕熊妹知道蛋白本身系无味的，要打发蛋白整蛋榚系要加点白沙糖，容易打发气泡之余，可以为蛋白带点甜味。所以打发蛋白系一定要加点调味，否则一点味道都没有，唔知食紧乜。其实呢个蛋白泡泡上有撒上一点类似炮菜粉，但味道非常怪，跟蛋白一点都唔夹，熊妹向来就算几饱几难食都唔会食剩食物，但今次真系食极都食唔落肚，最后熊大熊妹都放弃左呢推白色泡沫。而入面的炮菜海鲜饭好橙色，但一条炮菜都唔见，海鲜黎讲就系几粒虾仔🦐，仲有咩海鲜？熊妹真系睇唔到喇。总之呢个饭熊大熊妹真系唔识欣赏喇。总括黎讲，呢间fusion菜真系食唔出个中真谛，可能系熊妹唔识叫菜喇，可能泡泡咖哩牛肉粒锅饭，韩式炸鸡拼盐吊豆腐，铁板芝士猪肋骨会好食啲喇，但熊妹好肯定的系，熊妹食的呢几味都唔好吃。话哂都熊妹要熊大黎陪试，一熊做事一熊当，熊妹逞英由熊妹俾喇。
继续阅读
可能因为分店位置比较小人去 所以依间分店好小人 星期六夜晚去食都唔多人 基本上唔使等即入座食物价钱方面都唔算太贵 食物质素同价钱都成正比 我叫左个铁板芝士烧猪肋骨 同埋铁板豚肉芝士拉面 芝士可以拉到丝 钟意芝士既会好开心 味道都唔错 芝士控可以去试下 因为得两个人食既关系 我地净系叫左两样 见到其他人叫既饭同饮品都好似几吸引 下次会再去试其他菜色 另外系服务方面 员工们好有礼貌 上菜速度都好快 成餐饭都食得好开心好满足 环境都好好 值得一去
继续阅读