芝加哥串燒 (美豐花園) (已結業)

最近有點煩惱，去大埔搵個好朋友輕鬆一下，朋友介紹我大埔好去處，這間酒吧餐廳位置較悠靜，附近多住宅，夜晚人流不複雜，可以同朋友一邊食一邊慢慢傾。酒類選擇不錯，大大杯可以慢慢品賞，高腳枱坐得都舒服。香煎鵝肝 鵝肝入口即溶，配搭黑醋汁，酸甜少油膩感，鹹香惹味。肉醬配粟米片飲酒點可以無呢，粟米片香脆，配惹味肉醬，多重口感，香口野特別好送酒。黑松露意大利飯配帶子一上枱已俾大件帶子吸引，帶子煎得外邊金黃，內裡非常香嫩，意大利飯入味，啖啖黑松露香氣撲鼻，喜歡黑松露要試，齒頰留香。店不大，但服務周到，上菜快，食飯傾偈都好舒服，仲有無酒精飲品選擇，下次再嚟！