Lo Spazio (已結業)

最鍾意輕輕鬆鬆同朋友飲下酒傾下計食下野！第二次黎呢間餐廳，因為鍾意佢就腳同餐廳細細地，唔會太嘈，野食又好大份，但係真係唔可以低估女士既「第二個胃」，幾飽都食得落甜品架！食左：▪️凱撒沙律: 菜好新鮮，配料好多，有煙肉、脆脆麵包粒、鯷魚同芝士碎！配料同菜比例一半一半▪️黑松露薯條: 幼身既薯條，但薯味同松露味都不太重，呢個一般。▪️海鮮扁意粉：其實上次食過佢嘅墨魚汁意粉已經覺得唔錯，不過比較油。今次呢個扁意粉係用香草醬汁，意粉又彈牙又無咁油，好味喎！▪️慢煮豬肋骨：根據過往西餐經驗，多數出街食ribs都係短骨，餐牌英文都係寫Baby back ribs，但呢個一上枱，大家都「嘩」左出黎～好大份呀！係少見既長身豬肋骨，平時食既兩倍長，仲要有六條骨同好厚肉！其貌不揚但係好食喎！因為個汁唔會過咸，肉淋得黎有咬口，係我喜愛既口味同質感！▪️朱古力雪糕窩夫：雖然話飽，但係女士真係有第二個胃架😆 窩夫細細個，只係比雪糕球大少少姐，不過最重要係個窩夫外脆內熱唔厚粉！食完覺得三個人分一份有點少....😝我覺得我可以獨食一份！▪️House Red: 是日所有House系列有半價happy hour時段，梗係要飲返兩