紅館 (擺花街) (已搬遷) 新店位置

約了朋友到中環睇show，自己早左出去，行陣順便食個lunch先再過去。這間在擺花街的紅館，開了一段時間，舖仔細細，以Bar枱為主。餐湯沙律二選一，我揀了魚茸沙律，都是第一次食魚茸沙律，表面的魚茸完全唔腥，有魚的鮮味，有點似食吞拿魚，但口感更滑。自加製的法包，配油醋汁一流。主菜是紅酒滙牛肉意大利面，寛麵雖不爽彈但不會糊口，表面有大量的芝士碎及凵燴牛肉，牛肉煮在超腍，入口即溶且無渣，不過略嫌紅酒汁太稀及較淡，始終配意粉的醬汁個人都喜歡濃稠一點。最後飲埋杯熱檸茶，原個川寧茶包沖了成壺，可以慢慢飲。