影片
更多
2015-07-13
555 浏览
做完一日野，心思思想飲啤酒，再諗不如就食串燒飲啤酒啦！係銅鑼灣見到呢間居酒屋，一於坐低食下串燒先～環境唔錯bar枱設計好relax 好chill既感覺！坐喺對街嘅窗口位，就算有啲風都好熱，即刻嚟杯我最愛既Asahi日本啤解解渴先啦。先黎幾樣送酒小食：雞泡魚乾、生磨芥末青瓜漬、同燒雪魚棒，樣樣送酒都一流，最鍾意係口感煙韌嘅雞泡魚乾，香氣十足，點埋沙津醬非常好味。芥末青瓜亦好得意，有芥末味得嚟又唔會太攻鼻，好易入口，而且青瓜爽脆無澀味。再睇餐牌發現有稻庭烏冬食，不得了，小姐我當然要食啦！有冷有熱任君選擇，而小姐就比較鍾意食熱烏冬，因為冷烏冬嘅冰凍好容易蓋過咗食物味道呢。熱騰騰烏冬送上嚟已經聞到昆布湯底既香味，呢到選用係乾身果種扁烏冬，雖然薄身但都仲好彈牙，幼滑既麵身，啜啜下就食晒成碗，飲堆啖清甜既湯，好食！再食比較淡味嘅海鮮：燒帆立貝、銀雪魚、白鱔，帆立貝好juicy，又夠大粒啖啖肉。銀雪魚有啲老同乾身，反而白鱔好滑而且油脂夠，微烤後香氣四溢，脆脆嘅魚皮都好正只不過帶啲焦有少少苦味。食完淡味野，再食較濃味嘅肉類。煙肉荔枝卷係好新穎嘅配搭，荔枝甜味岩岩好中和煙肉嘅咸味。豚肉露旬都一樣，露旬仲
坐喺對街嘅窗口位，就算有啲風都好熱，即刻嚟杯我最愛既Asahi日本啤解解渴先啦。
先黎幾樣送酒小食：雞泡魚乾、生磨芥末青瓜漬、同燒雪魚棒，樣樣送酒都一流，最鍾意係口感煙韌嘅雞泡魚乾，香氣十足，點埋沙津醬非常好味。芥末青瓜亦好得意，有芥末味得嚟又唔會太攻鼻，好易入口，而且青瓜爽脆無澀味。
再睇餐牌發現有稻庭烏冬食，不得了，小姐我當然要食啦！有冷有熱任君選擇，而小姐就比較鍾意食熱烏冬，因為冷烏冬嘅冰凍好容易蓋過咗食物味道呢。熱騰騰烏冬送上嚟已經聞到昆布湯底既香味，呢到選用係乾身果種扁烏冬，雖然薄身但都仲好彈牙，幼滑既麵身，啜啜下就食晒成碗，飲堆啖清甜既湯，好食！
再食比較淡味嘅海鮮：燒帆立貝、銀雪魚、白鱔，帆立貝好juicy，又夠大粒啖啖肉。銀雪魚有啲老同乾身，反而白鱔好滑而且油脂夠，微烤後香氣四溢，脆脆嘅魚皮都好正只不過帶啲焦有少少苦味。
食完淡味野，再食較濃味嘅肉類。煙肉荔枝卷係好新穎嘅配搭，荔枝甜味岩岩好中和煙肉嘅咸味。豚肉露旬都一樣，露旬仲好爽口。食到最後驚死唔夠飽再叫多個芝士年糕，雖然做唔到拉絲咁誇張，但芝士味好濃而且口感軟熟，nice!
總扣黎講食物質數環境都好好岩晒三五知己傾計飲野食野，但人多時食物等候時間會較長，而且價錢略高，不過值得一試！张贴
