全記海鮮菜館

营业中

休息中

星期日，天氣好好，就黎西貢行吓。行到夜晚六點，就周圍搵食，黎到全記。 全記裝修靚，牆外掛上太陽花，很搶眼。唔想同人逼，就早啲食吧，好怕要等好耐位。店員帶我地去一樓揀位，話可以再上一層，仲多位，就上多一層。地方寛敞，任我地揀位。揀左室外位置，陣陣涼風，好舒適，仲有微微海浪聲。有二人餐，包茶芥免加一:特濃芝士焗龍蝦配伊麵，芝士味夠濃，龍蝦好新鮮，蝦肉勁彈牙清蒸蒼魚，好新鮮，眼仔突突，魚肉結實碧綠泡蝦球，得六粒蝦球，爽口彈牙，但真係好咸好咸，師傅太重手了薑蔥炒蟹，新鮮，夠鑊氣，夠入味，朋友大讚蒜蓉炒白菜，炒得好爽脆紅豆沙，好好味，甜度適中，仲有蓮子，製作用心。店員態度好親切有禮，服務亦好周到，還準備濕紙巾同洗水盆。本來食得好開心，但隔黎大枱坐左一大班人，大聲喧嘩，仲要不斷食煙，幾個人煙駁煙，食晚都係食住佢地二手煙，啲衫都吸晒啲煙味 下次坐室外位真係要諗諗!整體都好滿意，就係餸菜細左少少(都夠食既)同埋啲餸菜一次過上(好快就凍晒)。但價錢都好合理，唔係劏遊客既價錢(食過好多海鮮店都好搵笨，仲要俾埋啲霉既海鮮)，最緊要啲海鮮都新鮮，環境好，服務好。