影片
更多
2022-10-01
51 浏览
店鋪係柴灣地鐵站E出口行幾分鐘落天橋就到，眼見大多數客人都係買外賣為主，啲店員好熱情，做嘢又快手，值得一讚。我同男朋友叫咗個二人餐，可以揀兩款主食，小食及甜品則各一款，仲有兩支嘢飲。本身好肚餓所以再加多個串串鍋同涼麵，點知我哋太睇得起自己了，一個二人餐($128)已經好飽🫄🏻。🍲#一口豚肉雲吞：可以揀唔同餡料同湯底，我地要左韭菜雲吞配番茄湯底。每一隻雲吞都好足料帶少少肉汁🤤，內裏滿滿韭菜餡，稱得上皮薄餡靚，一啖一粒啱啱好。湯底有微微茄膏嘅味道，不過眼見好多蕃茄肉，所以番茄味非常濃郁。🍜#傷心重慶酸辣粉：酸辣粉有得揀BB辣至魔鬼辣，我同男朋友要咗小辣，但係第一啖食落去已經覺得唔惹小，辣味比想像中重🥵，食到個嘴仔有少少腫咗(下次都係要叫BB辣)。但總括嚟講酸辣比例啱啱好，粗薯粉質感煙煙韌韌好正，仲有啲鷹嘴豆同埋菜脯加埋一齊食口感又多一種變化。🐓#炸雞翼：雞翼都有唔同味道可以揀，我哋叫咗蜜汁芥末。醬汁賣相偏橙色，同我想像有啲出入，不過味道其實唔錯，少少甜再加芥末嘅辛辣。雞翼就熱辣辣脆卜卜，幾Juicy😝！🍮#軟糯香甜紅糖糍粑呢個應該係今年帶俾我最大衝擊嘅甜品，首先糯米嘅部份係煙韌彈牙嘅，外脆
店鋪係柴灣地鐵站E出口行幾分鐘落天橋就到，眼見大多數客人都係買外賣為主，啲店員好熱情，做嘢又快手，值得一讚。
我同男朋友叫咗個二人餐，可以揀兩款主食，小食及甜品則各一款，仲有兩支嘢飲。本身好肚餓所以再加多個串串鍋同涼麵，點知我哋太睇得起自己了，一個二人餐($128)已經好飽🫄🏻。
🍲#一口豚肉雲吞：
可以揀唔同餡料同湯底，我地要左韭菜雲吞配番茄湯底。每一隻雲吞都好足料帶少少肉汁🤤，內裏滿滿韭菜餡，稱得上皮薄餡靚，一啖一粒啱啱好。湯底有微微茄膏嘅味道，不過眼見好多蕃茄肉，所以番茄味非常濃郁。
🍜#傷心重慶酸辣粉：
酸辣粉有得揀BB辣至魔鬼辣，我同男朋友要咗小辣，但係第一啖食落去已經覺得唔惹小，辣味比想像中重🥵，食到個嘴仔有少少腫咗(下次都係要叫BB辣)。但總括嚟講酸辣比例啱啱好，粗薯粉質感煙煙韌韌好正，仲有啲鷹嘴豆同埋菜脯加埋一齊食口感又多一種變化。
🐓#炸雞翼：
雞翼都有唔同味道可以揀，我哋叫咗蜜汁芥末。醬汁賣相偏橙色，同我想像有啲出入，不過味道其實唔錯，少少甜再加芥末嘅辛辣。雞翼就熱辣辣脆卜卜，幾Juicy😝！
🍮#軟糯香甜紅糖糍粑
呢個應該係今年帶俾我最大衝擊嘅甜品，首先糯米嘅部份係煙韌彈牙嘅，外脆內軟好好咬口，上面亦鋪滿花生粉，至於紅糖方面就鹹鹹甜甜咁樣，係好特別嘅口感🧐。
🥤#飲品：
飲品可以喺雪櫃自取，款式眾多我哋揀咗最特別嘅兩款：青蘋果茶、西柚柚子茶。青蘋果茶飲落有少少似蜂蜜綠茶不過冇咁甜，飲落相對更為清爽。至於西柚柚子茶同樣清新解膩唔會過甜，柚子嘅味道會再突出一啲。我個人幾鍾意佢哋清清淡淡冇落太多糖👍🏻。
🥢#傳統重慶川式涼麵($28)
涼麵相對較硬，係我哋鍾意嘅麵質😙，撈勻紅油非常惹味，加埋青瓜絲、鷹嘴豆、花生粒、辣菜脯等豐富配料值得一試。炎熱嘅天氣配上一碗涼麵簡直係透心涼。
🍢#串串鍋($40)
本身以為只係餐牌入面揀一款，點知原來全部都有🤪！串串鍋包括長洲大魚蛋、振興豬肉牛肉丸、豆腐串、海帶、台灣腸、蘿蔔、蓮藕片。其中蘿蔔真係浸到入晒味好好食，仲要有兩大舊。叫一個串串鍋已經可以當正餐食！
🫘#香辣菜脯丁($22)熊貓小雲吞仲有賣多種醬料，其中我最想食嘅就係菜脯，價錢$22一樽真係好抵🤑，菜脯丁非常爽脆，有啲仲好似切片蘑菇咁大粒，味道主要麻同鹹為主，除咗撈麵之外，配餃子食都好適合。
张贴
