慶記 (已結業)

去大角咀原來都好多嘢食同朋友搵咗間地道嘅上海菜，開咗唔係好耐，舖頭裝修夠開揚，樓底夠高坐得好舒適。呢度主打上海麵食同埋手工點心，每日都係新鮮製作，確保食客食得開心又安心。而且呢度必食嘅仲有佢哋招牌菜慶麵，生煎胡椒包小籠包同埋叉燒包。我先叫咗呢度嘅小食口水醉雞卷，係呢度嘅推介，另外仲叫咗點心小籠包，店員都話喺呢度嘅重點推介，叫咗$38有4隻。口水醉雞捲味道好特別，有口水雞嘅味道再加花雕酒，兩種醬料一齊混合，原來又幾有新鮮感，唔怪得個個都會點。另外叫咗個紅燒豬軟骨慶麵，啲麵質係幾彈牙，有啲似油麵同淮山麵嘅混合體，豬軟骨炆到好入味，腍身入口時滑溜綿密，有粘口的感覺。最後叫咗杯豆漿清一清口腔裏濃郁的味道，頓時舌頭重新回復過來。