慶記 (已結業)

上網搵資料見到評語話佢地胡椒生煎包係香港世一即刻bookmark低黎個大角咀一日美食遊既時侯試一試·✿生煎胡椒包（$26/2個）對呢個生煎包充滿期待個包比平時既生煎包大個同飲茶既奶皇包差唔多大小輕輕咬頂部裡面係爆多湯汁湯汁鮮而唔會油膩 仲好濃胡椒味外皮唔厚 · 煎到個底脆身配埋個胡椒肉餡一齊食真係幾唔錯✿小籠包 （$38/4隻）呢個等左一段時間應該真係即叫即蒸夾上手已經見到湯汁飽滿湯汁都係「清而不淡·鮮而不俗」但略嫌皮厚左少少✿醉雞捲 （$30/8件）純粹覺得兩個人叫得太少野有d唔好意思最後加個雞捲·順便換一換口味唔洗剩食湯包咁寡份量好多·30蚊好抵食但雞肉肉質偏柴唔夠嫩而且花雕酒味過濃完全食唔到其他香料味有點失色整體而言價錢親民貼地湯包類高質可以再戰…查看更多

慶記前身係大角咀慶麵，小舖搬大舖，而家坐得舒服咗，又唔使好似以前咁要經常排隊。兩個人想食上海野既話，呢間係唔錯既選擇，因為佢哋嘅生煎包、鍋貼同小籠包都有2隻份量選擇。其中我覺得生煎包最好，即叫即煎熱辣辣，包底煎得好香脆，咬開會爆汁。佢有普通生煎包同叉燒生煎包揀，兩種都好味，叉燒生煎包味道略甜。另外麻醬撈麵都係佢哋嘅招牌菜。今次我叫咗豬扒湯麵，麵質ok，湯底比較淡，配有一舊大蘿蔔同三個豆腐卜。豬扒炸得唔錯，好鬆化。 …查看更多

唔記得睇過邊個既食評 bookmark左呢間餐廳 大角咀多好野食大家都知 但係除左揾食 都無咩機會會入黎 今日就趁假期 試一試佢啦一聽嗰名慶記 以為會係懷舊小店 得啲摺枱 所以露過左幾次都唔知 原來餐廳好大 環境好舒服而且用QR code落單 顛覆晒我既諗法試左幾樣食物 最推介係佢啲小食類口水醉雞卷- 我鍾情口水雞 但係唔鍾意有骨既雞 呢個就啱晒我 口水汁辣味幾出但係又唔會搶左酒味 最緊要係啖啖肉 加啲芫茜係面 賣相一流XO醬小籠包- 兩個看似平平無奇既小籠包 超有驚喜 首先皮薄 夾住小籠包個頭已經可以成個拎起咬落去 肉汁滿滿 XO醬味道都好突出 好味道生煎包- 即叫即煎所以要等耐啲 能夠做到底脆 包唔會乾晒身 都係肉汁滿滿另外仲有個湯麵 不過無特別 甚至有啲淡 我地將啲麵拌落口水汁度 哈哈 正呀…查看更多

去到大角咀，週圍都起咗好多新豪宅，左穿右插，搵到呢間多人推嘅食店^ ^個擔擔面好辣做得唔錯，好麻🤣另外個叉燒包係真係一定要試，可以煎到個底好脆但入邊嘅饀依然流汁，同傳統好唔同…查看更多

比口水雞好吃一百倍的口水醉雞卷｜超正小店肉肉🦊在奧運住，把附近的大大小小館子都吃了個遍，墜喜歡的😍有三家，那個、銘記刀削麵、還有就是這家江浙口味的小店慶急。真的不注意都不會看到的小店，卻隱藏著絕好吃的美味小食。.我墜喜歡的就是他家的口水醉🐤卷，是口水🐤的醬汁醃制的，不過卷肉質超級嫩滑。外面帶一層皮包裹著，那個口感簡直絕了！除此之外，他家的菜飯也非常好吃😋，就是上海的味道，喜歡這口的必須試試。.另外炸豬排也很好吃😋炸得非常酥脆，可口，裡面也不柴。他家的小籠包味道也可圈可點，有一包水！不過差評的是他家的豬軟骨，完全不Q彈，好吃的豬軟骨近的要說銘興刀削麵，非常軟爛好吃！推薦你們試試。.店名：慶記地址：大角咀利得街11號利奧坊地下G501-503號…查看更多

服務員態度惡劣，經常對食客大聲呼喝。如果唔想無啦啦俾人呼喝，唔去呢間餐廳絕對冇損失。食物質素只係一般，快餐店質素，價錢亦比快餐店貴，快餐店同茶餐廳會係更好選擇。…查看更多

上網睇好似話幾好食咁！於是就去試下啦！！！去到見到餐廳外面個板寫個飯$48，啲野都好似幾ok,就入去，坐底左睇下個餐牌，點解一毛一樣既野呢度寫$51！於是問下個員工有乜分別，佢話無分別既，一樣既，但就唔知點解會唔同價錢，咁我問佢會收幾錢？佢就話收貴啲個個！我就話明明同一樣野點解收貴個個？佢話因為電腦係呢個價！下？但未入黎係門口睇就平幾蚊！入到黎就貴幾蚊？！感覺好差！唔係話介意個幾蚊，但感覺好似比人呃左入黎咁！雖然同食乜無關係，但希望店主留意下啦！一陣畀人告違反商品說明條例就唔好啦！！！…查看更多

大角咀係我細細個住嘅地方，好多年無返過嚟，而家呢度已經變咗好多，有個新商場，今日去幫襯商場裏便嘅慶記，試吓佢嘅特色上海菜首先要讚佢嘅豬扒肉碎飯，碗飯大大碗，啲豬扒亦都煎得非常香，而且份量好多。仲有食咗碗清清地嘅湯麵，湯底非常清甜，鍾意清淡口味嘅朋友一定要試。佢啲特色小食都非常吸引，口水雞件，骨膠原非常豐富…查看更多

身為大角咀街坊既我，真心推介依間性格比好高既上海菜，價錢平民化而且好味。前身為「慶麵」，新舖比之前更大，配以落地玻璃，更舒適寬敞。想再食到佢地主打既慶麵，就要黎慶記啦🤗《香酥排骨慶麵》（$52）慶麵麵質偏彈牙，有口感👍🏻排骨炸至香脆，係偏乾身左少少，但好香口，肉質鮮嫩！《口水醉雞卷》（$34/8件）推介依款小食！雞卷以雞皮包住，內裡啖啖肉，再配上口水汁，辣得黎好惹味，非常好味！唔食得辣既朋友都可以一試，唔算好辣。略嫌醉雞卷食唔出酒味，可能個口水汁cover左個味道。《特色山葵醬雞絲冷麵》（$40）好欣賞佢地既山葵醬，係有D似混入wasabi味既沙律醬，個人好喜歡！凍食麵質更爽口彈牙，配上青瓜絲，更添口感。雞絲同青瓜絲配冷麵真係冇得輸🤩…查看更多

大角咀的慶記原名「慶麵」，主打上海麵食🍜及手工點心🥟同爆汁💦生煎包，一於來試下佢💁🏻‍♀️👉 生煎包2隻($24)生煎包熱辣辣🔥底部金黃酥脆，不過第一啖咬落去肉汁💦唔算多，而且個皮🤏🏻偏厚似真係包子😂👉 生煎胡椒包🧂2隻($26)招牌生煎胡椒包🧂的餡料好重胡椒味🤤，辣辣地🌶反而吊出豬肉🐽的鮮味，加上整體都唔知點解比原味多d肉汁🤔，推薦俾大家😆👉 醉雞卷🐔($16) 醉雞卷的花雕酒🍶第一啖非常突出，整體夠凍🧊而皮爽肉滑😍，但雞肉有雪味😔同中間真係唔夠入味扣曬分🙃👉 茶燻煎軟雞慶麵($52)茶燻煎軟雞🐔邪惡調味超級似BBQ薯片味🍖咁重口味😈，但個🍜偏清淡冇咩味…查看更多

食過十次以上，今日打過去叫外賣6:10pm 本人打電話叫外賣，叫我等20分鐘6:30pm 朋友去到等外賣，未有6:40pm 仲未整好，去送餐區問，有員工仲要話番佢轉頭，話佢哋間餐廳好出名，好多人食，好多訂單，係要等㗎啦，鬧佢沖左入”廚房”6:57pm 朋友同佢講話唔要，跟住就即刻有，喊住走7:07pm 聽到之後，本人打去問點解，有人道歉，但背後有人話我阻住電話條線7:20pm 嬲到而家要打上嚟OpenRice劣評佢幾好味都冇用放工買外賣要等我明等成大半個鐘仲要受氣你食埋我嗰份祝你生意興隆西客上…查看更多

朋友話利奧坊附近係咁開咗好多唔同嘅新式餐廳，特登帶我嚟覓食。新嘅餐廳真係好靚，全部落地大玻璃裝修，感覺好舒服。由於我當日想食粉麵類，於是就揀咗呢間慶記啦～餐廳有好多種唔同款嘅面類可以選擇，而且全部用電子落單方便又快捷。口水醉雞捲：推薦大家可以食呢一款小食，因為佢個口水汁可以另上，變左一次過可以食兩款唔同嘅味道。口水汁香辣濃郁，點左就當口水雞食；唔點口水汁就變咗醉雞捲，淡淡嘅酒香味，啱晒唔食得辣嘅朋友。香酥排骨拼滷肉湯飯：香酥排骨新鮮炸起，咬落去仲係脆嘅，湯飯亦都好特別，有少少酸菜又幾好味。茶燻煎軟雞慶面：塊雞扒係要用茶醃製，味道好濃郁，而慶面係屬於清淡嘅風格，一齊食好夾。生煎胡椒包：呢個極力推介，即叫即整，包面係軟而個底煎到脆卜卜，最驚喜係佢入邊係有好多湯汁，食嘅時候一定要小心，黑椒味亦都好重，冬天嚟食一定好正！總括而言，呢間餐廳質素唔錯，住附近嘅朋友仔可以試吓～…查看更多

朋友帶我黎過一次呢間上海菜，見佢性價比咁鬼高，今晚再黎拜會下😎上次食生煎叉燒包一試便愛上😍 今晚決定試下生煎胡椒包，另外仲叫左醬油西生菜，巴東牛肋條撈麵，豬軟骨菜飯，一杯熱桂圓蜜同埋一支豆漿😀呢度既生煎包係即叫即整熱辣辣，包體軟熟底層勁香脆！今次試胡椒包既胡椒味好濃郁，有啲辣，都幾刺激味蕾😂 裡面肉餡肥瘦適中爆晒汁，仲有啲洋蔥好鬼香😍西生菜幾大碗，口感爽脆，面頭有啲炸蒜增加香氣👍巴東牛肋條好重椰香味，都有啲辣，肉質好淋非常嫰滑！麵條彈牙，個汁要黎撈麵無得頂，超開胃惹味😋豬軟骨同樣炆得好入味，肉質口感好好完全唔痴牙😂 呢度一個飯先四十幾蚊，埋單仲要唔駛加一，坐得又舒服，真係唔知邊度仲搵到咁抵食又出色既上海菜😯👏…查看更多

看了大家写的这家地道上海菜，来到一点菜才知道事实体验与大家写的有很大出入。品种选择少，全是味精，炸鸡翅炸猪排，等生煎包等了半个小时。点的醉鸡完全没有上。服务员人手不足，一些服务都没有。付款时用信用卡服务员弄了两分钟还不成，后面排队付款的人，都排了10多个人等着付款。最后我要用八达通付几百块的午饭。以后不会来，香港吃好的正宗的上海菜多得是，说这里是正宗上海菜肯定说不过去。希望大家可以了解真实情况才决定是否会来这里吃饭 。 …查看更多

第一次去呢間叫慶記喺利奧坊, 見到環境又咁多個ok就去試下, 點知"後果自負"......講真炸醬麵係OK但係其他野就完全失望!!! 食物30/100... /服務10/100... 豬扒完全咬吾開,老細話冇事... 我都吾想再食!食上海嘢去返隔離老XX 好食好多，今次伏了!Just one and last one. No next time!!!…查看更多