LA FAMILLE

营业中

休息中

今日早咗收工經過朗豪坊地底嘅時候，見到琳瑯滿目嘅蛋糕店，個人都有少少肚餓，我忍唔住去買返個戚風蛋糕食，當做下午茶。而呢一間la famille 最吸引我嘅地方，就係用咗一個個嘅 玻璃去裝住啲蛋糕 ，好靚。買咗一個 草莓戚風蛋糕， 下面嘅蛋糕據說係紅茶味，不過茶味比較淡淡， 反而比較香蛋味，蛋糕嘅質感非常鬆軟， 加上好誘惑嘅忌廉，非常creamy ，甜而不膩。不過我最鍾意都係啲士多啤梨同紅莓 ，甜甜酸酸加埋落啲蛋糕食，簡直係一種享受， 不過60蚊一個蛋糕仔， 雖然唔算太貴，但係如果份量再大少少就好啦， 因為實在太好食，食極都唔夠。