車品品小食 (已結業)

一直都好想食一碗比較正宗噶碗仔翅，於是今日我就search咗一間喺大角咀叫車品品噶鋪頭，雖然間店唔大，不過就排長龍，既然咁遠嚟到，點都要排啦~~碗仔翅，喺現做嘎，唔喺我之前食噶叮熱咗就送上嚟，所以會有啲慢，不過味道真係好正！入邊有粉絲啦，香菇，竹筍噶味道好濃郁，有少少酸好啱我口味！！車仔面我點咗一份雜錦噶，有魚蛋、牛腩、特別鐘意是牛百葉！！魚蛋好爽口彈牙，白蘿蔔都好鮮甜蝦子魯肉餃，蝦子都幾多嘎，而且餃子噶形狀幾特別，不過入面噶肉少咗啲蝦子撈麵，蝦子噶味道好重！