美心皇宮 (已結業)

有時好想食推車仔出黎既點心，而家大部份茶樓都係用紙用筆黎點點心，但係我好鍾意飲茶，我飲親茶都係覺得有車仔行過黎0個種感覺好特別！又可以睇過先決定要唔要，又可以邊叫邊食，唔會話飽到自己食唔落時，ORDER 既點心先慢慢續樣黎。當然推車仔點心有好有唔好！有些地方處理得唔夠好，點心好快又凍又變樣！但係呢間真係抵讚！樣樣野都好熱，比暖熱好多。真係唔錯。食左鳯爪，春巻，紫菜巻，蛋TART仔，花生粥，蝦餃，蛋散。樣樣都好味喎！蛋散唔似出面浸滿糖漿的一樣，佢係0岩0岩好的，都幾鬆化，適合怕肥人士！蝦餃皮薄，蝦新鮮。鳯爪又好好味喎，冇話有些酒樓咁肥粒粒！係蛋TART 就真係凍左D，差少少啦！紫菜巻係幾得意喎，幾令我驚喜，好味！花生粥就都係咁啦！冇話特唔特別！總之我覺得食得好開心！仲有推車嬸嬸們全都好有禮拜的呀！扺讚！好想再去呢度飲茶！正！