來多碗車仔麵 (民裕街)

营业中

休息中

今日咁啱收工要去紅磡工廠區拿雙十一集運,行過工廠區果頭,見到新開咗間叫來多碗車仔麵,印像中來多碗宜家都有幾間分店,終於係紅磡開多一間分店,見個肚有啲餓,於是同太太商量入去。食車仔麵最緊要平,靚,正,快,同好食。 作為繁忙的都市人,食車仔麵最緊要快同抵食。食果時已經7時半,入面唔係好太人,入去可以立即點餸。三餸麵都係$32,四餸麵就$38,加多幾蚊就有嘢飲,價錢喺呢區嚟講都唔算貴,佢嘅車仔麵個湯底都唔錯,而且佢的餸味道都唔錯。 蘿蔔又淋又入味,金錢肚又彈牙,湯底夠入味,是我以前返學食車仔麵嘅味道,夠曬地道。呢間舖入面,原來都花咗啲心思在裝修方面, 有3d畫啦,又有一啲香港傳統嘅油畫,大家食的時候可以慢慢欣賞。