堅料豬手車仔麵店

营业中

休息中

之前聽過有朋友話，元朗有一間食豬手好出名嘅車仔麵檔。我亦都記得之前網上有報道，老闆睌年創業，晚市仲有啲特色小菜同埋煲仔飯，都係一啲心機之選。車仔麵嘅款式唔算特別多，但店家有特別推介佢哋嘅豬手，同埋柚皮。不過最後都係決定是一啲普通餸菜。食咗一碗三餸河粉，包括有雞翼，豆卜，同埋冬菇貢丸。另外仲試左佢哋自家製嘅菊花茶，外賣返屋企食。由於揀咗咖哩汁嘅關係，再配埋豆卜索曬啲汁，真係好正。可惜份量唔算特別多，男仔會有可能食唔飽，而且價錢亦都唔係特別平。希望下次有機會，試下佢哋嘅晚市小菜。