旅僕咖啡 (已結業)

呢間咖啡店喺工廈入面，以旅遊為主題，成間店都裝修得舒服，雖然身在工廈，但個心已經飛咗去香港以外，但謹記，呢度絶對無美少女做女僕，唔好攪錯，免得失望而回😂今日食咗個午餐，有自助沙律吧，一個主菜同一杯嘢飲，我覺得都幾抵食。不過我覺得呢度最驚喜嘅係啲飲品。同朋友試咗三杯：Latte：個花拉得好靚，味道好香濃，值得試。老姜薑黃牛奶：賣相好吸引，薑味夠濃，配搭個牛奶，有薑汁撞奶嘅神韻。菊花牛奶咖啡：呢個組合實在太大膽嘞。店主温馨提示，個菊花味仲會越浸越濃。講真，兩種味道互相衝擊，兩種味道都飲到出嚟，真係未飲過，啱晒鍾意試新鮮嘢嘅小弟🥰