影片
都几失望吓，连意粉都唔太好食，仲等九个字，同埋收多钱。完全无心做咁。真心无下次了。去到已经唔多人，但可能多外卖，叫我地等10-15分钟，但系最后等左45分钟。意粉只是水煮完，捞落去，无味，之后用芝士同烟肉盖住，但意粉系无味。意粉水多过汁。本以为40-60左右嘅意粉，几抵食下，但食完就知，真系得4分左右（10分满分）。顺带一提，沙律同汤另加钱。So disappointed.真心，意粉好难唔好食，但佢做到了唔知点解咁多人话ok.完全唔推介。临走先知是转手再经营，唔怪之得。太平洋贸易中心嘅第二中伏地方。
继续阅读
话说今日黎呢个工厦上one day course，完全未试过观塘返工真系好担心晏就饭会唔会爆多人，工厂区会唔会无咩好食，所以上堂前就做左少少功课，睇下附近有咩好食。一揾之下，揾到呢间旅仆咖啡，刚好就系我上堂既大厦，感觉应该几方便，睇相都ok，于是就黎试下。黎到既时候都仲有位，lunch时间唔算好full。本身谂住叫卡邦尼，点知原来有款叫是日精选，牛油果吞拿鱼意粉，本身觉得牛油果几健康，又中意食，就叫左。个卖相系唔错既，味道就觉得一般，系健康既味道，其实都系配合返牛油果。跟餐可以拣小食或者蘑菇汤，我拣左汤。呢个蘑菇汤好creamy，有蘑菇粒，几好味。野饮就加钱叫左蜜糖红茶，几好味，系滋润既感觉。整体黎讲唔算好平，味道还可以，附近返工都系个唔错既选择。如果再黎上堂应该会再食既。
继续阅读
呢间Cafe整体质素真系唔错，佢嘅缺点亦系佢嘅优点，就系个location比较唔就脚，不过正正因为系咁，所以可以真系静静地叹番杯咖啡，又可以睇吓佢D旅游书，Hea吓Hea吓好舒适，而且佢D咖啡同食物都几好，而且好平，行远D都系值得嘅。今日饮Black Coffee，我钟意热饮，因为会香D，佢呢只咖啡豆唔错，味道好Balance。另外拣咗个胡麻田园沙律，份量比想像中大，咁样都只系卖$30，简直就系抗通胀好选择。虽然系价钱平，但系佢D用料又真系唔马虎，D蔬菜都真系几新鲜。个Main Course我拣咗明太子忌廉蘑菇烟肉意粉，佢个紫菜加香草丝又同个意粉几夹，落少少明太子吊一吊味真系唔错。三款野夹埋先至系$83，吓我一跳，仲同侍应有无计漏(我事后先睇到个餐牌的价钱)。
继续阅读
刚刚转换了新既工作，仍在适应期当中，每日lunch time 前都同同事们苦恼一间食咩好，到了lunch 时间，行下行下 突然望到远处有间cafe的广告牌，就一起上去探索究竟。Cafe内的装饰很细致，给人很舒适的感觉。最后每人点了一个set ，最赞既系佢既沙律好fresh，菠萝，车厘茄，生菜，粟米都很新鲜。食完这个lunch后，感觉成个人都健康左，最后带住愉快既心情回去公司继续工作。
继续阅读
返咗三个月新工，周围揾吓有咩好嘢食，无意中发现呢间工厦既cafe跟午餐包一杯柠茶，重可以喺自助沙律吧取一次沙律，有蔬菜都新鲜、仲有菠萝、粟米、车厘茄、生菜、同碎蛋，味道中上，午餐人均80
继续阅读